निर्मम हत्या गरेर भागेको अपराधी लाई गोलि हानेर पक्राउ
बर्दियामा प्रहरीले हत्या आरोपीलाई पक्राउ गर्दा गोली चलाएको छ । हत्या आरोपी भाग्न खोजेपछि प्रहरीले गोली प्रहार गरेर पक्राउ गरेको छ ।
बाँकेको कोहलपुरमा एक युवालाई घाँटी रेटेर हत्या गरेको अभियोगमा प्रहरीले बर्दियावाट एक जनालाई पक्राउ गरेको हो ।
बाँके राप्ती सोनारी गाउँपालिका शससेरगञ्जका युवारज गिरीलाई प्रहरीले बर्दियावाट पक्राउ गरेको छ ।
पक्राउ गर्न गएको प्रहरीलाई नै प्रहार गर्दै भाग्न खोजेका गिरीलाई प्रहरीले खुट्टामा गोली हानेको छ ।
सुर्खेत सिम्ता गाँउपालिका ४ का दिपक सिंह ठकुरीको घाँटी रेटेर हत्या गरिएको थियो । उनको कोहलपुरमा विभत्स अवस्थामा शव फेला परेको थियो ।
प्रहरीमा भर्ना हुन भन्दै सुर्खेतवाट आएका ठकुरीको कोहलपुरमा शव फेला परेको हो । बाँकेको कोहलपुर नगरपालिका वडा नं।
११ स्थित नयाँ बसपार्क नजिकै उनको शव विभत्स अवस्थामा फेला परेको थियो ।
अभियुक्तलाई पक्राउ गर्न गएको प्रहरी टोलीले बर्दियाको मधुवन नगरपालिका ३ वाट गिरीलाई पक्राउ गरेको छ ।
