टिप्परको ठक्करबाट ९ वर्षीय बालकको मृत्यु…
टिप्परले ठक्कर दिँदा महोत्तरीमा एकजना बालकको ज्यान गएको छ ।
सम्सी गाँउपालिका २ पर्सामा ना ७ ख ६४२७ नम्बरको टिप्परको ठक्करबाट स्थानीय ९ वर्षीय शेख सदावको घटनास्थलमै ज्यान गएको प्रहरीले जनाएको छ ।
इलाका प्रहरी कार्यालय गौशालाले दिएको जानकारी अनुसार आइतबार बिहान ७ बजे गौशालाबाट सम्सीतर्फ जाँदै गरेको टिप्परले बालक सदावलाई ठक्कर दिएको थियो ।
ठक्कर दिने टिप्पर र चालकलाई प्रहरीले नियन्त्रणमा लिएको छ ।
बालकको शवलाई पोष्टमार्टमको लागि जलेश्वर पठाउने तयारी भैरहेको प्रहरी निरीक्षक किशोर अचार्यले जानकारी दिनुभयो ।
