सुसाइड नोटमा म मर्दैछु लेखेर पोलिटेक्निक कलेजकी छात्राले गरिन आत्महत्या
तिमी मलाई सबैं काली–काली भनेर बोलाउँछौ नि, तिम्रो इच्छा छ म मरुँ । तिम्रा यी शब्द सुन्दा सुन्दा म दिक्क भइसकेकी छु ।
त्यसैले म मर्दैछु ।’ सुसाइड नोटमा यस्तो लेखेर पोलिटेक्निक कलेजकी एक छात्राले आत्महत्या गरेकी छिन् ।
मध्यप्रदेशको बैतुलको सोनाघाटी पोलिटेक्निक कलेजमा दोस्रो वर्षकी छात्राले ट्रनमुनि आएर ज्यान दिएकी हुन् ।
मयुरी जायसवाल नामकी ती छात्रा आइतबार बिहान साथीलाई भेट्न आएकी थिइन् ।
छात्राको ब्यागमा सुसाइड नोट भेटिएको हो ।
पुलिसले अज्ञात आरोपीमाथि मुद्दा दर्ता गर्दै छात्राको मोवाइल कल डिटेलबाट आरोपीको खोजी सुरु गरेको छ ।
छात्राले ट्रेनअगाडि हाम्फालेर आत्महत्या गर्दा उनको ब्याग ट्रेनमै झुण्डिएर आमला पुगेको थियो ।
जहाँ पुलिसले ब्याग भेटेपछि मृतक छात्राको पहिचान खुलेको हो ।
