आफ्नै आमाले दुई छोरालाई विष खुवाएपछि कान्छो छोराको ज्यान गयो , जेठोको अवस्था गम्भीर !
धनुषामा एक महिलाले दुई छोराहरुलाई विष खुवाई आफूले पनि विष सेवन गरेकी छिन् ।
धनुषाको लक्ष्मीनियाँ गाउँपालिका(१, सोनमाई खजुरी टोल बस्ने रविन्द्र यादवकी श्रीमती २४ वर्षकी रिना देवी यादवले आफ्ना दुई छोरालाई विष खुवाई आफूले पनि विष सेवन गरेकी हुन् ।
घरायसी विवादको कारण महिलाले दुई छोराहरुलाई विष खुवाई आफूले पनि विष सेवन गरेको बुझिएको छ ।
विष खुवाएका कारण कान्छो छोरा ३ वर्षका रितेशको ज्यान गएको छ भने जेठो छोरा ५ वर्षका रितिक र आमा रिना गम्भीर घाइते भएका छन् ।
दुवैको जनकपुर अञ्चल अस्पतालमा उपचार भईरहेको छ।
जिल्ला प्रहरी कार्यालय धनुषाका अनुसार परिवारका अन्य सदस्यसँगको सामान्य विवादपछि रिना देवीले आफ्ना दुई छोरा रितिक र रितेशलाई विष खुवाएर आफूलेसमेत विष सेवन गरेको जनाइएको छ ।
आमाले जबर्जस्ती विष खुवाएका कारण कान्छो छोरा सिकिस्त भएका थिए भने जेठो छोरा रितिक विष सेवनको कारण सडकमा लडबडाई हिँडिरहेको अवस्थामा स्थानीयले देखेका थिए ।
