कमेडियन कपिल शर्मा र गिन्नीको विवाहको फोटो बाहिरियो
चर्चित कमेडियन कपिल शर्मा र उनकी प्रेमीका गिन्नी चतरथ बुधबार बैवाहिक बन्धनमा बाँधिएका छन् ।
पञ्जावी रितिरिवाज अनुसार कपिलको जन्ती अम्रितसरबाट जालन्धर पुगेका थिए ।
जन्ती जादाँ निकै भिड भयो ।
भिड हटाउनको लागि निकै कडा सुरक्षाको व्यवस्था गरिएको थियो ।
कपिलको आमाको इच्छाअनुसार विवाह भव्य रुपमा गरिएको हो । विवाहपछि नवविवाहित जोडीको फोटो सार्वजनिक भएका छन् । सामाजिक सञ्जाल मार्फत उनीहरुलाई विवाहको शुभकामना दिइरहेका छन् । शुभकामना दिनेहरुमा अभिषेक बच्चन, सायना नेहवाल, एली एव्राम जस्ता सामेल छन् । सामाजिक सञ्जालमा कपिलको बिहेको फोटो भाइरल भइरहेको छ ।
कपिलले हरियो रंगको शेरवानीमा क्रिम कलरको पगडी लगाएका छन् । उनको हातमा तरवार देखिन्छ । गिन्नीले रातो रंगको लहेंगा लगाएकी छिन् । दुवै जनालाई एकदमै राम्रो देखिएको छ । कपिलको विवाहमा भारती सिंह, उनको पति हर्ष लिन्बाचिया, कृष्णा अभिषेक, सुमोना चकवर्ती, गायका ऋर्चा शर्मा लगायतका कलाकार सहभागि भएका थिए । कपिलको घरमा पञ्जावी रितिरिवाज अनुसार डिसेम्बर १० मा जागरण पनि राखिएको थियो ।
उनीहरुको पहिलो रिसेप्सन डिसेम्बर १४ मा अम्रितसरमा हुनेछ । यसमा कपिलको परिवार र आफन्तहरु सामेल हुने छन् । दोस्रो रिसेप्सन २४ डिसेम्बरमा मुम्बईमा दिनेछन् । यस रिसेप्सनमा बलिउडका कयौं हस्तीहरु सामेल हुने भारतिय मिडियामा उल्लेख छ ।
