‘शुभलभ’को पोस्टरमा रोमान्टिक जोतिष हरिहर अधिकारी
चलचित्र ‘शुभलभ’को फस्टलुक सार्वजनिक भएको छ ।
चलचित्रको सार्वजनिक पोस्टरमा सिनेमाका दुई मुख्य पात्र हरिहर अधिकारी र कृष्टिन पौडेल फिचर्ड छन् ।
यी दुवै कलाकार यही चलचित्रबाट नेपाली चलचित्र क्षेत्रमा डेव्यु गर्दैछन् ।
बुद्ध इन्टरटेनमेन्टको ब्यानरमा निर्माण भएको चलचित्रका प्रस्तुतिकर्ता श्री प्रदीप कुमार उदय हुन् ।
चैत्र १५ गतेबाट प्रदर्शनमा आउने चलचित्रलाई पुराना निर्माता तथा निर्देशक सन्तोष बाबु लोहनीले निर्देशन गरेका हुन् ।
चलचित्रमा धर्मराज शर्मा सुवेदीको लगानी रहेको छ ।
‘शुभलभ’मा हरिहर अधिकारी र कृष्टिन पौडेलको अलवा डाक्टर सुर्या थापा, सरोज खनाल, राजाराम पौडेल, राजा राजेन्द्र पोखरेल, रविन्द्र झा, प्रदीप बास्तोल, अनुज पाण्डे लगायतका कलाकारको मुख्य भुमिका रहेको छ ।
भने निर्माता तथा हल सञ्चालक श्री प्रदीप कुमार उदय ‘शुभलभ’मा अतिथी कलाकारको रुपमा देखिनेछन् ।
चलचित्रमा हरिहर अधिकारीको कथा, अभिमन्यु निरवीको पटकथा तथा संवाद, अर्जुन पोखरेलको संगीत, रामेश्वर कार्कीको छायाँकन, रोशन विक्रम भट्टराईको द्धन्द्व, बनिष शाह र भुपेन्द्र अधिकारीको सम्पादन रहेको छ ।
