निर्मलाको हत्या गरेको भनिएका रावल निर्दोष रहेको प्रहरीले नै गर्यो पुष्टी,प्रहरीले फेरी देखायो यस्तो गाईजात्रा

 

कञ्चनपुरकी १३ वर्षीया बालिका निर्मला पन्तको बलात्कार–हत्या आशंकामा प्रहरीले बुधबार पक्राउ गरेका व्यक्ति ‘शंकास्पद मात्रै’ देखिएका छन्।
निर्मला प्रकरणमा यसअघि २५५ जनालाई प्रहरीले पक्राउ गरेको गृह मन्त्रालयले जनाएको थियो।

 

केन्द्रीय अनुसन्धान ब्युरोले बुधबार कञ्चनपुर भीमदत्तनगर-८ का १८ वर्षीय प्रदीप रावललाई पक्राउ गरेको थियो।

 

काठमाडौंबाट पक्राउ परेका रावललाई अहिले महानगरीय प्रहरी बृत्त महाराजगञ्जमा राखिएको छ। उनीबारे अनुसन्धान भइरहेको बृत्तले जनाएको छ।

 

केन्द्रीय अनुसन्धान ब्युरो स्रोतका अनुसार उनलाई यसअघि पक्राउ परेका व्यक्तिहरूजस्तै शंकाको आधारमा मात्र पक्राउ गरिएको हो। ‘निर्मला प्रकरणपछि काठमाडौं आएको देखिएर शंकाका आधारमा पक्राउ गरिएको हो,’ ब्युरो स्रोतले भन्यो, ‘भन्नलायक कुनै पनि कारण देखिएको छैन।’ आज शुक्रबार डिनए रिपोर्ट सार्वजनिक गर्ने भनीए पनि प्रहरी यो सबै नाटक गरेको श्रोतको बनाई छ।

 

ब्युरो प्रमुख डिआइजी निरजबहादुर शाहीले रावल पक्राउबारे अनभिज्ञता जनाए। ‘हामीले अहिले कसैलाई शंकाको आधारमा पक्राउ गरेका छैनौं,’ शाहीले भने, ‘अरु निकायले पक्राउ गरेको भए हामीलाई जानकारी भएन।’

 

केन्द्रीय प्रहरी प्रवक्ता उत्तम सुवेदीले अनुसन्धानको सिलसिला जारी रहेकाले अहिले केही पनि भन्न नमिल्ने बताए। उनले भने, ‘अनुसन्धानको प्रक्रिया जारी रहेकाले अहिले केही भन्ने अवस्था रहेन।’

 

प्रहरीले यसअघि पक्राउ व्यक्ति प्रायः सबैको नाम सार्वजनिक गरेको थियो। ती व्यक्तिको नाम शंकाकै आधारमा सार्वजनिक गरिएको थियो। प्रहरी अधिकारीहरूले भने यो कार्यको बिरोध गरेका छन्।

 

‘शंकाकै आधारमा पक्राउ गरिएका व्यक्तिको नाम सार्वजनिक गर्नु अपराध नै हो,’ पूर्वएआइजी राजेन्द्रसिंह भण्डारीले भने, ‘यथेष्ट सबुत प्रमाणबिना कसैलाई पक्राउ गर्नु मानवअधिकारको उल्लंघन पनि हो, प्रचलित कानुन विपरीत पनि हो।’

 

उनका अनुसार यस्तो प्रकरणमा राज्य जिम्मेवार बन्नुपर्छ। ‘दोषी सय जना छुटुन् तर एक जना निर्दोषले सजाय नपाओस्, अनुसन्धान सिलसिलामा कसैलाई पक्राउ गरिन्छ, तर अनुसन्धानले अपराध प्रमाणित नगरेसम्म प्रहरीले कसैको नाम सार्वजनिक गर्न मिल्दैन।’

 

भण्डारीले थप भने, ‘फौजदारी न्याय प्रमाणाली सर्वमान्य सिद्धान्त हो। अनुसन्धानकर्मीले निर्दोष मान्छेको सुरक्षा, सामाजिक प्रतिष्ठामा आँच आउने काम गर्नु हुँदैन।’

 

भण्डारीले यसअघि पक्राउ परी अदालतबाट छुटेका दिलीपसिंह विष्टजस्तै निर्दोष कोही पनि पक्राउ गरेर प्रहरीले कानुनको दुरूपयोग गर्न नहुने पनि बताए।

निर्मलामको सामूहिक बलात्कार पछि हत्या भएको तथ्य बाहिरीयो, को को पर्ने भए जेल

बालिका निर्मला पन्तको सामूहिक बलात्कारपछि हत्या भएको हुन सक्छ, प्रहरीको पछिल्लो अनुसन्धानले यस्तै संकेत गरेको छ । यही आशंकामा चारजना पक्राउ परेका छन्, एक काठमाडौंमा र तीन महेन्द्रनगरमा ।

 

सामूहिक बलात्कारपछि हत्या गरेको आशंकामा निर्मलाका छिमेकी प्रदीप रावल काठमाडौंमा पक्राउ परेका हुन् । उनलाई महानगरीय प्रहरी वृत्त महाराजगन्जमा राखिएको छ । त्यस्तै, अन्य तीनजनालाई महेन्द्रनगरमै पक्राउ गरिएको हो । उनीहरू सबैजना लागुऔषध दुर्व्यसनी रहेको र केहीले अपराध स्वीकार गरेको प्रहरी स्रोत बताउँछ । तर, डिएनए परीक्षणबाट पुष्टि नभएसम्म औपचारिक विवरण सार्वजनिक नगर्ने प्रहरीले जनाएको छ ।

 

केही युवकले गल्ती आफूहरूले गरेको, तर प्रहरीले अरूलाई दुःख दिएको भन्दै आपसमा कुरा गरेको स्थानीयले सुनेका थिए । तिनै स्थानीयले त्यससम्बन्धी सूचना प्रहरीलाई दिएका थिए । तर, त्यतिन्जेलसम्म चारैजना भारत गएका थिए । चारैजनाको स्केच बनाउन महानगरीय अपराध महाशाखाबाट एक प्रहरीलाई कञ्चनपुर लगिएको थियो । पिछा गर्दै जाँदा प्रदीपलाई काठमाडौंमा र अरूलाई महेन्द्रनगरमा समातिएको प्रहरी स्रोतले जनाएको छ ।

 

प्रदीपसँग सोधपुछपछि अन्य तीनजनालाई महेन्द्रनगरमा प्रहरीले पक्राउ गरेको हो । ‘अहिलेसम्मको सोधपुछमा उनीहरूको संलग्नताको धेरै आधार देखिन्छ,’ अनुसन्धानमा आबद्ध एक प्रहरी अधिकारीले भने, ‘तर, प्राविधिक पक्ष केलाउन बाँकी छ ।’ चारै जनाको डिएनए परिक्षणको प्रक्रिया सुरु भइसकेको प्रहरी स्रोत बताउँछ ।

 

घटनालगत्तै उनीहरू महेन्द्रनगरमा बस्न छाडे

घटनालगत्तै उनीहरू महेन्द्रनगरमा बस्न छाडेका थिए । प्राय उनीहरू भारत बस्थे चारमध्ये केही विगतमा पनि अपराधिक गतिविधिमा संलग्न भएको समेत प्रहरी स्रोत बताउँछ ।

 

लागूऔषध दुर्व्यसनीहरू नियमित गइरहने क्षेत्रमा निर्मलाको शव भेटिएको थियो । पक्राउ परेकाहरू पनि लागूऔषध दुर्व्यसनी भएकाले उनीहरूको संलग्नताको सम्भावना रहेको प्रहरी स्रोत बताउँछ ।

 

काठमाडौंमा पक्राउ परेका प्रदीपको घर निर्मलाको घरबाट करिब तीन किलोमिटर दुरीमा पर्दछ । लामो समयदेखि लागूऔषध दुर्व्यसनी भएको र उनका बुबा–आमा समेत भारतमा बस्दै आएको सिआइबीका एक अधिकारीले बताए ।

 

रानीबारीकै शैलीमा पर्दा खुल्ला निर्मला प्रकरणको ?
रानीबारी हत्याकाण्डको अनुसन्धान १४ वर्षसम्म उपलब्धिहीन थियो । विभिन्न टोली र समिति खटाए पनि प्रहरीले इन्जिनियर दम्पतिको हत्यारा पत्ता लगाउन सकेको थिएन । तर, नाटकीय रुपमा प्रहरीले तीन वर्षअघि दोषीलाई पक्राउ गरेको थियो ।

 

सो घटनाका अभियुक्तको सूचना प्रहरीले भट्टीबाटै प्राप्त गरेको थियो । अभियुक्तहरू मनराज गुरुङ र प्रमेश चौहानले एक भट्टीमा आफूहरूले एक दम्पतीको हत्या गरेपनि पैसा नपाएको विषयमा चर्चा गरेका थिए । उनीसँगै त्यहाँ रहेका व्यक्ति पछि ठगीमा मुद्दामा पक्राउ परे । उनले त्यससम्बन्धि विवरण सिआईबीको हिरासतमा खुलाएका थिए । लगत्तै दुवैजना पक्राउ परे । अदालतले पनि उनीहरूलाई जन्मकैदको फैसला सुनाएको छ ।

 

३१ असार २०६९ मा इन्जिनियर हेमन्त श्रेष्ठ र उनकी श्रीमती अञ्जलीको हत्या भएकोमा अभियुक्तहरू १४ वर्षपछि अर्थात् १ चैत २०७१ मा पक्राउ परेका थिए ।

 

अहिले निर्मलाको बलात्कारपछि हत्यामा पनि प्रहरीले त्यस्तै ‘क्लु’ भेटाएको छ । तर, हरेक व्यक्ति पक्राउ पर्दा सार्वजनिक इजलास बस्ने गरेकोले पछिल्लो अनुसन्धानमा पनि प्रहरी आफैँ सर्तक छ । त्यसैले डिएनए परिक्षणको रिपोर्टमै प्रहरीको सफलता निर्भर हुनेछ ।

 

गत १० साउनमा साथीको घरमा गएकी निर्मला भोलिपल्ट उखुबारीमा मृत अवस्थामा भेटिएकी थिइन् । घटनाको प्रारम्भिक चरणमा प्रहरीले अनुसन्धानमा लापरबाही गर्दा अभियुक्त पत्ता नलागेको आरोप लाग्दै आएको छ । महत्वपूर्ण प्रमाण समेत नष्ट गरेकाले प्रहरीप्रति अविश्वास छ । दोषी पत्ता लगाउन माग गर्दै दबाबमूलक आन्दोलन भइरहेको छ ।

 

आइजिपी आफैं सोधपुछमा
निर्मला प्रकरणले प्रहरी नेतृत्वमाथि कति धेरै दबाब बढाएको छ भने प्रहरी महानिरीक्षक सर्वेन्द्र खनाल आफैंले सोधपुछमा खटिएका छन् । काठमाडौंमा पक्राउ परेका युवकमाथि सोधपुछ गर्न महानिरीक्षक खनाल आफैं सिआईबीमा पुगेको स्रोत बताउँछ ।

 

घटनामा उनको प्रबल सम्भावना रहेको ब्रिफिङका आधारमा उनी आफैं सोधपुछका खटिएका हुन् । विगतमा सिआईबीबाट भएको अनुसन्धान विवादमा परेकाले पनि आइजिपी आफैं खटिएका हुन् ।सोधपुछका क्रममा उनको संलग्नताको धेरै क्लुहरू मिलेको प्रहरी स्रोत बताउँछ ।