नेता मिनेन्द्र रिजालको छोराको बिवाह चिनियाँ युवतीसंग

 

नेपाली कांग्रेसका केन्द्रीय नेता तथा संघीय सांसद मिनेन्द्र रिजालले आफ्ना छोराको विवाह गरेका छन्।

 

सोमबार सम्पन्न विवाहमा हजार बढीको सहभागिता रहयो भने कांग्रेसका शीर्ष नेताको लर्को नै लाग्यो। मोरङ क्षेत्र नम्बर २ बाट निर्वाचित रिजालले आफ्नै निर्वाचन क्षेत्र मोरङ रंगेलीमा ठूलो भोज आयोजना गरिएको थियो।

 

विवाहमा पार्टीका शीर्ष नेताहरू उपसभापति बिमलेन्द्र निधि, महामन्त्री सशांक कोइराला, नेताहरू कृष्ण सिटौला, शेखर कोइरालालगायतका नेता उपस्थित थिए।

 

प्रदेश १ का प्रमुख डा. गोविन्द तुम्बाहाङको पनि उपस्थिति रहयो। त्यति मात्रै होइन विवाह मोरङ, सुनसरी, झापालगायतका जिल्लाका स्थानीय नेता तथा कार्यकर्ताको बाक्लो उपस्थिति बीच सम्पन्न भयो।

 

रंगेली बजारमा रहेको धर्मशालामा हजारौलाई सहभागी गराएर नेता तथा सांसद रिजालले जेठा छोरा पर्जन्य रिजालको र बुहारी चिनियाँ नागरिक फिओना युएन लिंगङ टयांङकोबीच विवाह सम्पन्न भएको हो।

 

रिजालका छोरा पर्जन्य कालो टाइसुट र ढाका टोपीमा अनि बुहारी फिओना पोते र मंगलसुत्रसहित नेपाली पोसाक सारी चोलोमा सजिएकी थिइन्।

 

शाकाहारी र मांसाहारी दुवै प्रकारका परिकार रहेको उक्त्त प्रिति भोज दिउँसो १२ बजेदेखि साँझ अवेरसम्म चलेको थियो। स्थानीयका अनुसार बिहे भोजमा सांसद रिजालको निर्वाचन क्षेत्रका मात्र करिब चारहजार बढीको सहभागिता थियो।

 

विराटनगरको पोखरिया पुर्ख्यौली घर भएका र हाल काठमाडौं बस्दै आएका नेता रिजालका छोरा पर्जन्यले चिनीयाँ मुलकी युवतीसँग विवाह गरेका हुन्। तर विवाह पहिले नै भइसकेको भए पनि नेता रिजालले छोराको प्रितिभोज भने दशैंको समेत अवसर पारेर आफ्नो निर्वाचन क्षेत्रमा नै आयोजना गरेका हुन्।

यी सुन्दरीको यस्तो रहेछ हर्कत्, एसएसपी सिंहले डुबाइदिए चुर्लुम्म

 

युवतीलाई प्रयोग गरी भिडियो बनाएर ब्ल्याकमेलिङ गर्ने दुईजनालाई महानगरीय प्रहरी अपराध महाशाखा टेकु काठमाडौंले पक्राउ गरेको छ ।

 

ललितपुर जिल्लाको कुपण्डोल एरियामा बस्ने एकजना व्यवसायीलाई फेसवुक म्यासेञ्जरमा साथी बनाई ब्ल्याकमेलिङ गर्ने बद्रीनाथ लामिछाने र इन्दिरा उप्रेतीलाई अपराध महाशाखा टेकुले पक्राउ गरेको एसएसपी धिरजप्रताप सिंहले जानकारी दिए । प्रहरीले ब्ल्याकमेलिङमा परेका ती व्यवसायीको नाम गोप्य राखेको छ ।

 

३१ वर्षीय बद्रीनाथ लामिछानेको स्थायी घर गोरखा पालुङटार नगरपालिका वडा नं. ८ मा पर्छ । २५ वर्षीया इन्दिरा उप्रेतीको स्थायी घर पाँचथर जिल्लाको हिलिहाङ गाउँपालिका वडा नं. ४ मा रहेको सिंहले बताए ।

 

अपराध महाशाखाका प्रमुख एसएसपी सिंहका अनुसार इन्दिराले नाम परिवर्तन गरी निशा अधिकारीको नामबाट व्यवसायीलाई कार्यालयमा भेटेर आपत्तिजनक भिडियो बनाएकी थिइन् । सोही भिडियोलाई आधार बनाएर उनका साथी बद्रीनाथ लामिछानेले गणेश लामाको नामबाट ती व्यवसायीसँग एक करोड रकम माग गरी ब्ल्याकमेलिङ गरेका थिए ।

 

इन्दिरा उप्रेतीले ती व्यवसायीलाई सोफामा किस गर्नुका साथै मोबाइलबाट भिडियो बनाइ बल्याक मेलिङ गरेको अनुसन्धानबाट खुल्न आएको एसएसपी सिंहले बताए ।

 

‘व्यवसायीको मोवाईल नम्वर समेत लिई फोन गरी तपाईको अफिसमा भेट्न आउँछु कुराकानी गर्नुछ भनि फोनमार्फत कुरा गरी असार १ गते दिउँसो निशा अधिकारी नाम बताउने महिला उक्त व्यवसायीको अफिसमा गई आफ्नो नाम इन्दु हो भनेको अनुसन्धानबाट खुल्न आएको छ’, अपराध महाहशाखाबाट बुधबार जारी विज्ञप्तिमा भनिएको छ ।

 

 

‘घर झापा जिल्लाको बुधवारेमा पर्छ भनि परिचय समेत दिई कुरा गरी थाहा नपाउने गरी मोवाइलको भिडियो क्यामेरा अन गरी सोफामा राखी नजिक हुँदै व्यवसायीको छेउमा गई अंगालो मारी चुम्बन समेत गरेको रेकर्ड गरी इन्दिरा त्यहाँबाट गएकी थिइन्’, विज्ञप्तिमा भनिएको छ, ‘पछि गणेश लामाको नाम बताउने बद्रीनाथ लामिछानेले ती व्यवसायीलाई इमोबाट फोन गरी भिडियो रेकर्ड आफूसँग रहेकोले एक करोड रुपैयाँ रकम माग गरी नदिएमा सामाकजि सञ्जालमा अपलोड गरी चरित्र हत्या गरी वेइज्जत गरिदिन्छु भनि बार्गेनिङ गर्दै आएका थिए ।’

 

‘व्यवसायीलाई डरत्रासमा पारी धम्की दिइरहेको सूचनाको आधारमा अनुसन्धान गर्दा उक्त कार्यमा संलग्न बद्रीनाथ लामिछाने र इन्दिरा उप्रेतीलाई पक्राउ गरिएको छ’, एसएसपी सिंहले भने ।

 

अपराध महाशाखाको टोलीले बद्री लामिछानेलाई कात्तिक छ गते बेलुका काठमाडौंको गौशाला र इन्दिरा उप्रेतीलाई कात्तिक ७ गते बुधबार टेकुबाट पक्राउ गरी अपराधिक लाभ (एक्टर्शन)को कसूरमा अनुसन्धान कारवाहीको लागि महानगरीय प्रहरी परिसर ललितपुरमा पठाएको एसएसपी सिंहले जानकारी दिए ।