जंगलमा लगेर सामुहिक बलात्कार गर्ने पक्राऊ
रुपन्देहीकी एक किशोरीमाथि फिल्मी शैलीमा सामुहिक बलात्कार (ग्याङ रेप) भएको छ ।
प्रहरीले घटनामा संलग्न भएको अभियोगमा दुई जना पक्राउ गरी सार्वजनिक गरेको छ । ती १६ वर्षीया किशोरीमाथि उनीहरुले असोज २३ गते सामुहिक बलात्कार गरेको प्रहरीले जानकारी दिएको छ ।
बुटवलमा चलिरहेको मेला घुमेपछि नजिकै रहेको शिबनगर जङ्गलमा मोटरसाइकलमा पुर्याएर साँझ ८ बजेतिर सामुहिक बलात्कार गरेको पीडित किशोरीले जाहेरी दिएकी छन् ।
जाहेरीका आधारमा प्रहरीले रुपन्देही देवदह नगरपालिका–१० का ३५ वर्षाीय उदय थापा र वुटवल उपमहानगरपालिका–७ का २६ वर्षीय कृष्ण थापालाई पक्राउ परेको छ ।
घटनास्थलबाट ४ थान कण्डम, फुटेका चुरा समेत बरादम भएको जिल्ला प्रहरी कार्यालय रुपन्देहीका प्रहरी उपरीक्षक हृदय थापाले जानकारी दिएका छन् ।
घटनामा अन्यको पनि संलग्नता हुनसक्ने इलाका प्रहरी कार्यालय बुटवलका प्रहरी नायब उपरीक्षक डिलबहादुर मल्लले बताएका छन् । पक्राउ परेका उदय काठको काम गर्छन् भने कृष्ण गाडी स्टाफ हुन् । किशोरी चिनजानकै भएको खुलेको प्रहरीले जनाएको छ ।
