सुतिरहेको कोठामा छिरेर महिलामाथि बलात्कार गरी रकम लुट्ने प्रहरीको फन्दामा
एक महिलालाई करणी गरी २० हजार रकम चोरेको अभियोगमा प्रहरीले एक युवालाई पक्राउ गरेको छ ।
पुथाउत्तरगंगा गाउँपालिका–५, हुकाम रुकुम पूर्वका ३० वर्षीय सविन भनिने सुविन्द्र घर्ती मगरलाई प्रहरीले पक्राउ गरेको हो ।
बाँफिकोट गाउँपालिका घर भएकी मुसीकोट नगरपालिकामा बस्ने एक महिलालाई बलात्कार गरी रकम चोरेको अभियोगमा घर्ती पक्राउ परेको जिल्ला प्रहरी प्रमुख प्रहरी नायब उपरीक्षक सुमित खड्काले बताए ।
घर्तीको साथबाट पीडित महिलाको मोबाइल सेट र नगद १६ हजार समेत बरामद गरिएको डीएसपी खड्काले बताए ।
पीडित महिलाले आफूमाथि जबरजस्ती करणी गरेको तथा २० हजार नगद चोरेर लगेको उजुरी दिएकी छिन् । घर्ती्विरुद्ध जबरजस्ती करणी उद्योगमा मुद्दा दर्ता गरी थप अनुसन्धान भइरहेको प्रहरीले जनाएको छ ।
