बलात्कार प्रयासमा पक्राउ भारतीय युवा प्रहरी चौकीबाट भागे

हाम्रो इकोनोमि

 

 

एक १३ वर्षीया किशोरी बलात्कारको प्रयास गरेको अभियाोगमा पक्राउ परेका एक आरोपी सुरक्षा घेरा तोडेर फरार भएका छन् ।

 

दक्षिण ललितपुरको महांकाल गाउँपालिकाका निवासी १३ वर्षीया किशोरीलाई जबरजस्ती करणी गर्न खोजेको आरोप लागेका २० वर्षीय बब्लुकुमार बिहीबार बिहान प्रहरीको घेरा तोडेर भागेका हुन् ।

 

महांकालमा बसेर एक ग्रील फ्याक्र्टीमा काम गर्दै आएका भारतको देदियाका बब्लु कुमारले हिजो राति १० बजेतिर सुतिरहेकी किशोरीलाई जबरजस्ती करणी गर्न  खोजेका थिए । बालिका चिच्याएपछि बब्लु भागेका थिए ।

 

तर बालिकाका बाआमाले उनलाई समाएर प्रहरी चौकी गोटीखेलमा बुझाएको गाउँपालिकाका अध्यक्ष रामचन्द्र दाहालले जानकारी दिए । उनले प्रहरीले नै ती अभियुतmलाई भगाएको आरोप लगाएका छन् ।

 

तर महानगरीय प्रहरी वृत्त चापागाउँका डीएसपी राजकुमार खिउजुले यस घटनाबारे प्रहरीले राति साढे तीन बजे थाहा पाएको जानकारी दिँदै उसलाई चार बजे इलाका प्रहरी कार्यालय टुंगुंनमा राखिएको बताए ।

 

उनलाई टुंगुनबाट चापागाउँ प्रहरी वृत्तमा ल्याउने तरखर भइरहेको समयमा गाउँपालिकाका अध्यक्ष दाहाल आएर केरकार गर्दै हातपात गरेपछि उनी त्यहाँबाट भागेका बताए ।

 

खिउजुले भने ‘भागेका उनलाई हालसम्म पक्राउ गर्न सकिएको छैन ।’ यस घटनाबारे थप बुझ्न र छलफल गर्न डीएसपी खिउजुको टोली घटनास्थलतर्फ जाँदै गरेको बताइएको छ ।