हाम्रो इकोनोमि

 

 

बाँकेमा १४ वर्षीया बालिका बलात्कृत भएकी छन् ।

 

नेपालगञ्ज उपमहानगरपालिका-१८ की बोल्न नसक्ने बालिका बलात्कृत भएको प्रहरीले जानकारी दिएको छ ।

 

बालिका बलात्कारको आरोपमा बाँके प्रहरीले नेपालगञ्ज उपहानगरपाकिा-१८ लब्धवाका ६५ वर्षीय मन्को गोडियालाई सोमबार पक्राउ गरेको छ ।

 

घटनाका सम्बन्धमा थप अनुसन्धान भइरहेको प्रहरीले जानकारी दिएको छ ।

 

तेह्रथुममा खाटबाट लडेर एक युवाको मृत्यु

 

खाटबाट लडेर तेह्रथुममा एक युवाको मृत्यु भएको छ । सुतिरहेको खाटबाट लडेर लालीगुराँस नगरपालिका–८, सोल्माका ३३ वर्षे दिलिप लिम्बुको सोमबार राति मृत्यु भएको जिल्ला प्रहरी कार्यालयले जनाएको छ ।

श्रीमतीले छाडेपछि एक्लै बस्दै आएका लिम्बु गाउँघरमा धामी झाँक्रीको काम समेत गर्थे । भुँइमा लडिरहेको अवस्थामा छिमेकीले भेटेपछि प्रहरीलाई खबर गरेका थिए । लिम्बुको शव मंगलबार जिल्ला अस्पतालमा पोष्टमार्टम गरी परिवारले बुझेका जिल्ला प्रहरी प्रमुख डिएसपी टेकबहादुर कार्कीले बताए ।

घटनाबारे थप अनुसन्धान भइरहेको प्रहरीले जनाएको छ । स्थानीयका अनुसार लिम्बुलाई उच्च रक्तचापको समेत समस्या रहेको थियो ।