साइकलमा घुमाउन लगेका मामाबाटै भाञ्जी बलात्कृत
झापाको हल्दिबारी गाउँपालिकाका एक युवक चार वर्षीया अवोध बालिका बलात्कारको शिकार बनेकी छन् ।
हल्दिबारी–१३ जलथलका २१ वर्षीय युवकले छिमेकी बालिकालाई बलात्कार गरेको आरोपमा पक्राउ गरिएको जिल्ला प्रहरी कार्यालय झापाका प्रहरी प्रबक्ता जितेन्द्रकुमार बस्नेतले जानकारी दिएका छन् ।
पक्राउ पर्ने युवक र बालिकाको घरसँगै रहेकाले उनको नाम नखुलाइएको बस्नेतले बताएका छन् । प्रवक्ता बस्नेतका अनुसार आइतबार दिउँसो छिमेकी बालिकालाई ती युवकले साइकलमा घुमाउन लगेका थिए ।
छिमेकी भएकाले बालिकाले युवकलाई मामा भन्ने भन्ने गरेकी थिइन् । सोही नाताको फाइदा उठाउँदै घुम्न गएको समयमा युवकले बलात्कार गरेको र घर पुगेपछि बालिकाको योनीमा रगत देखेपछि पीडित परिवारले प्रहरीमा उजुरी गरेका थिए ।
युवकलाई प्रहरीले आइतबार राति पक्राउ गरिएको हो । पीडित बालिकाको मेची अञ्चल अस्पताल भद्रपुरमा स्वास्थ्य परीक्षण गरिएको छ । घटनाबारे अनुसन्धान भइरहेको प्रहरीले बताएको छ ।
