त्रिभुवन विमानस्थलबाट सुनसहित सात जना पक्राउ
त्रिभुवन विमानस्थलबाट आज (बिहीबार) प्रहरीले सुनसहित सात जनालाई पक्राउ गरेको छ ।
७ सय १६ ग्राम सुनसहित सिन्धुपाल्चोक हेल्मबु गाउँपालिका–५का २९ वर्षीय मनोजकुमार तामाङसहित ७ जनालाई बुधबार त्रिभुवन विमानस्थलबाट प्रहरीले पक्राउ गरेको हो ।
नेपाल एयरलाइन्सको विमानमा बैंककबाट काठमाडौँ आएका उनीहरुको साथबाट उक्त सुन बरामद गरिएको महानगरीय प्रहरी परिसर काठमाडौँले जानकारी दिएको छ ।
प्रहरीले उनीमाथि शंकाका आधारमा विमानस्थलको अन्तर्राष्ट्रिय पार्किङ एरिया जाँच गर्दा ६ सय १६ ग्राम सुन फेला पारेको हो । सुनसहित पक्राउ परेका सातै जनामाथि आवश्यक अनुसनधान अगाडि बढाइएको महानगरीय प्रहरी परिसर काठमाडौँले जनाएको छ ।
