नुहाउन गएकी महिलाको डुबेर मृत्यु
महाकाली नदीमा डुबेर एक महिलाको मृत्यु भएको छ। भीमदत्त नगरपालिका-१३ की ३२ वर्षीया कलावती रोकायाको नुहाउने क्रममा डुबेर मृत्यु भएको प्रहरीले जनाएको छ।
बुधबार बिहान ११ बजेतिर महाकाली नदीमा निर्माण भइरहेको चारलेनको पक्की पुलनजिकै नुहाउने क्रममा डुबेर उनको मृत्यु भएको इलाका प्रहरी कार्यालय दोधारा चाँदनीका प्रहरी निरीक्षक नरेन्द्रबहादुर चन्दले जानकारी दिए।
नदीमा नुहाउने क्रममा डुबेकी रोकायाको शव झोलुंगे पुलदेखि ३ सय मिटर तल तैरिरहेको अवस्थामा फेला परेको प्रहरीले जनाएको छ। शव पोष्टमार्टमका लागि महाकाली अञ्चल अस्पतालमा राखिएको छ।
