कटुवा पेस्तोल बोक्ने दुईजना रौतहटबाट समातिए
रौतहटका बृन्दावन नगरपालिका–१ विश्रामपुर बस्ने ३० वर्षीय दोजेलाल राउत र सोही नगरपालिका–२ धनगढी बस्ने १८ वर्षीय सन्तोष पटेल कटुवा पेस्तोलसहित पक्राउ परेका छन् ।
उनीहरुको साथबाट १ थान कटुवा पेस्तोल बरामद गरिएको जिल्ला प्रहरी कार्यालय रौतहटले जनाएको छ ।
चन्द्रपुर नगरपालिका–९ स्थित डुमरिया चोकमा उनीहरु सवार ना.१६ प ६७५२ नम्बरको मोटरसाईकल जाँच गर्दा सन्तोषले बोकेको झोलाबाट उक्त कटुवा पेस्तोल बरामद गरिएको बताइएको छ । घट्नाबारे थप अनुसन्धान भइरहेको रौतहट प्रहरीले जनाएको छ ।
