अटोमेटिक पेस्तोलसहित एक जना पक्राउ
जिल्ला प्रहरी कार्यालय, दाङले एउटा अटोमेटिक पेस्तोलसहित एक जनालाई पक्राउ गरेको छ । पक्राउ पर्नेमा दाङको घोराही–१३, बडहाराका २७ वर्षीय वीरबहादुर चौधरी छन् ।
विशेष सूचनाको आधारमा खटिएको विशेष प्रहरी टोलीले घोराही –१५, बुद्धी ग्यारेज नजिकबाट उनलार्इ पक्राउ गरेको दाङका प्रहरी प्रमुख एसपी कृष्णहरि पोखरेलले बताए ।
उनका अनुसार चौधरीले पाइन्टको बेल्टमा पेस्तोल लुकाइराखेको अवस्थामा उनलाई पक्राउ गरिएको हो ।
‘एटोमेटिक पेस्तोल मेड इन यूएसए लेखएिको ६।६५ क्यालिभरको पेस्तोल, म्यागजिन र गोली ४ राउण्ड बरामद भएको छ’, पोखरेलले भने, ‘उनी सवार पल्सर मोटरसाइकल पनि बरामद गरिएको छ ।’
थप अनुसन्धान भइरहेको जनाइएको छ ।
