निर्मल हत्याको उच्चस्तरीय छानविन समितिका सदस्य डिआइजी बाँनियालाई किन भयो ह्दयघात ?
कञ्चनपुरको भीमदत्तनगर–२ की १३ वर्षीया किशोरी निर्मला पन्तको हत्या घटनाको छानविन गर्न गठित उच्चस्तरीय छानविन समितिका एक सदस्यलाई हृदयघात भएको छ ।
गृह मन्त्रालयका सहसचिव हरिप्रसाद मैनालीको संयोजकत्वमा गठित उच्चस्तरीय छानविन समितिका सदस्य सशस्त्र प्रहरी वलका डिआइजी वसन्त बानियाँलाई हृदयघात भएको जनाइएको छ ।
घटनाको छानविन गर्ने क्रममा महेन्द्रनगरमा खटिएका बानियाँलाई ६ दिनअघि एक्कासी हृदयघात भएको जनाइएको छ । सशस्त्र प्रहरी वलका अनुसार उनको काठमाडौंकै एक अस्पतालमा उपचार भइरहेको छ । अस्पतालको नाम भने दिइएको छैन ।
यसअघि त्यही समितिका सदस्य एवं उपसचिव वीरेन्द्र केसीले शान्ति सुरक्षाको माग गर्दै समितिबाट राजीनामा दिएका थिए । गृहमन्त्री रामबहादुर थापा र सचिव प्रेमकुमार राईसंँगको छलफलपछि उनी फेरि समितिमा फर्किएका छन् ।
