यस्तो अवस्थामा भेटियो दुर्घटनाग्रस्त हेलिकोप्टर, जिवितै उद्दार गरिएकी डोल्मालाई काठमाडौं ल्याइयो
गोरखाबाट काठमाडौंका लागि उडेको अल्टिच्युड एयरको हेलिकोप्टर ९ एन-एएलएस सम्पर्कविहीन भयो । पाइलटसहित सात जना सवार हेलिकोप्टर सामागाउँ क्रस गरेपछि सम्पर्क विहीन भएको थियो ।
हेलिकोप्टर दुर्घटना परेको तर, आफू सुकुशल रहेको भन्दै एक यात्रुले फोन पनि गरे । तर, दुर्घटनास्थल पत्ता लगाउन मुस्किल पर्यो ।
उनको फोनका आधारमा दुर्घटनास्थल धादिङ लोकेट गरिएको थियो । तर, सीमा जोडिएको मेघाङ गाउँपालिका १ बर्सङचेत मैलुङपाखाको घनाजंगलमा हेलिकोप्टर भेटिएको छ ।
दुघर्टनास्थलमा पुगेका सुकराम तामाङले दुर्घटनाग्रस्त हेलिकोप्टरको तस्वीर खिचेका छन् ।
नुवाकोटका मैलुङपाखामा हेलिकोप्टर दुर्घटना हुादा पाइलटसहित ६ जनाको मृत्यु भएको छ । एक यात्रु भने जिवितै उद्दार गरिएको छ ।
गोरखाबाट काठमाडौंका लागि उडेको अल्टिच्युड एयरको हेलिकोप्टर ९ एन-एएलएस नुवाकोटको मेघाङ गाउँपालिका १ बर्सङचेत मैलुङपाखामा दुर्घटना भएको हो ।
सम्पर्कविहीन हेलिकोप्टर खोजीका क्रममा मैलुङपाखाको घनाजंगलमा दुर्घटनाग्रस्त अवस्थामा भेटिएको हो ।
दुर्घटनामा पाइलट निश्चल केसीका साथै यात्रीहरु डिल्लीबहादुर गुरुङ, छिरी शेर्पा, सुनिल लामा, छेवाङ नोर्वु लामा र जापानी नागरिक हिरोमी कोमात्सुको मृत्यु भएको नेपाल नागरिक उड्ययन प्राधिकरणले जनाएको छ ।
हेलिकोप्टरमा सवार आनी डोल्माको जीवितै उद्दार गरिएको छ । उनलाई हेलिकोप्टरबाट मेडीसिटी अस्पताल ल्याइएको छ र त्यहाा उपचार भइरहेको छ ।
मौसमका कारण मृतकका शव ल्याउन कठिनाई भइरहेको प्राधिकरणले जनाएको छ ।
