पोखराको बेगनास तालमा डुंगा पल्टिँदा एक जनाकाे मृत्यु, ५ जना बेपत्ता
बेगनासतालमा ९ जना सवार डुंगा पल्टिएको छ । डुंगामा सवार ९ जनामध्ये ४ जनाको उद्दार गरिएको छ भने ५ जना बेपत्ता भएका छन् ।
उद्दारका लागि प्रहरी टोली घटनास्थल जाँदै गरेको कास्की प्रहरी प्रमुख तथा प्रवक्ता रवीन्द्र गुरुङले जानकारी दिए ।
बेगनासका स्थानीय गणेश कंडेलको घरमा दर आएका आफन्तहरु डुंगामा ताल घुम्न गएको एक स्थानीयले जानकारी दिए । डुंगामा ताल घुम्ने क्रममा एक जना बच्चा तालमा खसेको र उनलाई बचाउन खोज्दा डुंगा नै पल्टिएको प्रत्यक्षदर्शीको भनाइ छ ।
ढुंगा पल्टिएको देखेपछि एक जलारी किशोरीले आफन्तसहित पुगेर ४ जनाको उद्दार गरेकी थिइन् । उनीहरुको लेखनाथ सामुदायिक अस्पतालमा उपचार भइरहेको छ ।
