सम्पर्कविहिन हेलिकोप्टरबाट यात्रुको फोन – उद्धार गर्न आउनु म जंगलको बीचमा छु
सम्पर्कविहीन भएको अल्टिच्युड हेलिकोप्टरका एक यात्रुले फोन गरेर उद्धार गर्न अपिल गरेका छन् । हल्टिच्युड एअरका सञ्चालक सीताराम सापकोटालाई सम्पर्क गरेर आफू सकुशल रहेको जानकारी उनले दिएका छन् । तर, यात्रुले लामो समय कुरा नभएको र कल ब्याक गर्दा सम्पर्क नभएको उहाले जानकारी दिनुभयो ।
‘म जंगलको बीचमा अलपत्र छु, मलाई ठाउँ थाहा छैन, उद्दार गर्न आउनू, ती यात्रुले आफूलाई भनेको एअरका सञ्चालक सापकोटाले बताउनु भयो।
उहाले फोन गर्ने यात्रु को हुन् भन्ने आफूलाई थाहा नभएको बताउनु भयो । पछि फोन गर्ने यात्रु पनि सम्पर्कविहीन रहेको जानकारी दिनुभयो । अहिले सम्पर्कविहीन भएको हेलिकोप्टरको खोजीमा दुईवटा हेलिकोप्टरले परिचालन गरिएको छ ।
