बारेकोटमा खाद्यान्न अभाव

बारेकोट गाउँपालिकामा खाद्यान्न अभाव भएको छ ।

गत साउनमा बाढीले पुल बगाएपछि सो गाउँपालिकामा खाद्यान्न अभाव भएको हो ।

खाद्य संस्थान घाट डिपोमा मौज्दात खाद्यान्न सकिएको छ ।

पुल बगेपछि सो डिपोमा खाद्यान्न ढुवानी गर्न सकिएको छैन ।

नलगाड नगरपालिकामा रहेको झुम्रेखोलाको पुल बगेपछि बारेकोटलगायत आसपासका क्षेत्रमा खाद्यान्न सङ्कट भएको बारेकोट गाउँपालिका घाटका नीमबहादुर सिंहले जानकारी दिनुभयो ।

“रित्तो हात फर्कनु परेको छ,” उहाँले भन्नुभयो ।

बारेकोट क्षत्रमा अहिले ढुवानी ठप्प छ ।

बजारमा समेत चामल अभाव छ ।

पुल निर्माण नभएसम्म खाद्यान्न ढुवानी गर्न सकिने अवस्था छैन ।

बजारमा अन्य दैनिक उपभोग्य सामग्रीको समेत अभाव भएको छ ।

सडक सञ्जालले नजोडिएको बारेकोट क्षेत्रमा उब्जनी कम हुन्छ ।