अख्तियार प्रमुखमा घिमिरे सिफारिस, २०७६ चैत्रसम्म कार्यकाल रहने
अख्तियार दुरूपयोग अनुसन्धान आयोगको प्रमुख आयुक्तमा कार्यवहाक आयुक्त नविनकुमार घिमिरेको नाम सिफारिस भएको छ ।
संवैधानिक परिषदको आज प्रधानमन्त्री कार्यालयमा बसेको बैठकले प्रमुख आयुक्तमा घिमिरेको नाम सिफारिस गरेको हो ।
हाल अख्तियारको कार्यवाहक प्रमुख रहेका घिमिरे संसदीय सुनुवाई प्रक्रिया पूरा गरेपछि राष्ट्रपतिबाट प्रमुख आयुक्तमा नियुक्त हुनेछन् ।
घिमिरे २०७१ सालमा अख्तियारको आयुक्त नियुक्त भएका थिए ।
तत्कालीन प्रमुख आयुक्त दिप बस्न्यातलाई सर्बोच्च अदालतले अयोग्य ठहर गरेपछि घिमिरे कार्यवाहक थिए ।
घिमिरे १९ चैत ०७१ मा अख्तियारको आयुक्तमा नियुक्त भएका थिए ।
२०१२ भदौं २९ मा काठमाडौंमा जन्मिएका घिमिरेको कार्यकाल २०७६ चैत्रसम्म बहाल रहनु हुनेछ ।
आयोग ऐनअनुसार ६५ वर्ष उमेर वा ६ वर्षे कार्यकाल जुन अगाडि आउँछन्, सोही अनुसार अवकाश पाउने ब्यवस्था छ।
निजामती कर्मचारीका रूपमा लामोसमय काम गरी गृह मन्त्रालयजस्तो विवादित स्थानमा रहँदासमेत स्वच्छ छबी बनाएका घिमिरेले पारदर्शिता र भ्रष्टाचारलाई कहिल्यै साथ दिएनन् ।
आयोगको आयुक्तको रूपमा पनि उनी कुनै विवादमा आएनन् ।
आर्थिक लाभतर्फ कहिल्यै नलाग्ने भएकै कारण घिमिरे विवादमुक्त बनेका हुन् ।
अख्तियारको नेतृत्व लिएसँगै उनले आमनागरिकमा आयोगप्रतिको विश्वास जगाउने गरी काम गर्न निर्देशन दिएका छन् ।
आयुक्त र अख्तियार कर्मचारीलाई उनले सो निर्देशन दिएका हुन् ।
