२३ देशका १०३ गुप्तचर काठमाडौंमा, किन आए एकै पटक ?
नेपाली सेना र अमेरिकी सेनाको प्यासिफिक कमाण्ड गुप्तचर निर्देशनालयले संयुक्त रुपमा आयोजना गरेको सम्मेलनका लागि विभिन्न २३ देशका झण्डै एक सय भन्दा बढी सैनिक गुप्तचर अधिकारीहरु काठमाडौँमा भेला भएका छन् ।
पहिलो पटक सञ्चालन भएको यस कन्फरेन्समा २३ देशका ८३ जना उच्च सैनिक अधिकारीहरु सहभागी रहेको सैनिक जनसम्पर्क निर्देशनालयले जनाएको छ । अमेरिकी सेनाको प्यासिफिक कमाण्ड अन्तर्गत ४६ देशहरु पर्छन् ।
त्यसमध्ये सम्मेलनमा २३ देशले मात्र सहभागिता जनाएका छन् । नेपाली सेनाबाट २० जना सहभागी रहेकाले सम्मेलनमा सहभागी हुने सैन्य–गुप्तचर अधिकारीहरुको संख्या १०३ रहेको छ । सम्मेलनको उद्घाटन कामु प्रधानसेनापति रथी पूर्णचन्द्र थापाले गरेका थिए ।
