नेपालबाट भारतीय डाक्टरलाई ४ करोड भारु माग्दै धम्कीपूर्ण फोन

 

 

पटनामा रहेका एक न्युरोसर्जनलाई नेपालबाट ४ करोड भारतीय रुपैयाँ माग गर्दै धम्कीपूर्ण फोन आएपछि पटना प्रहरीमा हलचल मच्चिएको छ । गत अगस्त २० गते उक्त धम्कीपूर्ण फोन आएपछि पटना प्रहरीले नेपाल प्रहरीसँग समन्वय गरेर उक्त फोन गर्ने व्यक्ति पत्ता लगाउने प्रयास गरिरहेको टाइम्स अफ इन्डियाले समाचार प्रकाशित गरेको छ ।

समाचारमा डाक्टर एसएम रोहत्यागीलाई मोबाइल नम्बरबाट १२ बजेर ४५ मिनेट जाँदा उनको मोबाइल नम्बर फोन आएको थियो । फोनबाट अपरिचित व्यक्तिले चार करोड रकम माग गर्दै १० मिनेटपछि कल गर्ने बताएको थियो । तर, त्यसपछि फोन भए आएन । डाक्टरले सोही दिन पाट्लीपुत्र प्रहरी कार्यालयमा उजुरी दर्ता गराएका छन् । शुरुवाती अनुसन्धानबाट उक्त फोन नेपालबाट आएको पुष्टि भएको थियो ।

स्रोतलाई उद्धृत गर्दै समाचारमा यतिबेला पटना प्रहरीको एक टोली नेपाल–भारत सीमा नजिक रहेको मोतिहारीमा तैनाथ रहेका छन् र नेपाली प्रहरीसँग निरन्तर सम्पर्कमा रहेका छन् । पटना प्रहरीले हालसम्म कल डिटेल र सिमकार्ड कसको नाममा रजिस्टर गरिएको भन्ने जानकारी प्राप्त नगरेको बताएको छ ।

प्रहरीले फोन कहाँबाट गरिएको भन्ने खुलाउन नमिल्ने बताएको छ । संदिग्ध व्यक्ति पक्राउ परेपछि मात्र फोन कलको उद्देश्य पत्ता लाग्ने प्रहरीले बताएको छ । कल डिटेल तथा अन्य प्राविधिक जानकारी पाउन एकहप्ता लाग्ने प्रहरीले बताएको छ ।

उक्त फोनपछि डाक्टरलाई अर्को नेपाली नम्बरबाट पनि फोन आएको छ । तर, ती व्यक्तिले आफ्नो मेरुदण्डको समस्या रहेको बताएका थिए । ‘ती व्यक्ति साँच्चै बिरामीनै थिए कि स्थिति बुझ्न फोन गरेका थिए भन्ने यकिन हुन बाँकी छ,’ प्रहरीले भनेको छ ।