तरकारी विचौलियाको कालिमाटीबाट भागभाग, ९८ सटर खोसेर किसानलाई दिने तयारी
कालीमाटी तरकारी बजारमा रहेका विचौलियामाथी सरकारले कडा आक्रमणको तयारी शुरु गरेको छ । किसानसग ३० रुपैया प्रतिकिलो ल्याएर एक सय भन्दा बढि रुपैयामा बेच्ने विचौलियामाथी उद्योग वाणिज्य तथा आपूर्ति मन्त्रालयले एक्सन लिन शुरु गरेको हो ।
विगतमा टेण्डर लिदा निक्कै सस्तोमा लिएका सटरहरुमा पनि पाँच गुणा बढिमा अन्यलाई दिएका विचौलियाका ति सटर मन्त्रालयले खारेज गरिदिने भएको छ । त्यस्ता सटरहरु ९८ वटा रहेको आपूर्ति मन्त्री मातृकाप्रसाद यादवले जानकारी दिनुभयो । उहाले सटर भाडामा लिएर बिचौलियालाई दिइएको पाइएकाले ९८ वटै सटरको ठेक्का खारेज गरिने बताउनु भयो । उहाले ति सटरहरु उत्पादनकर्तालाई नै दिइने जानकारी समेत गराउनु भएको छ ।
मन्त्री यादवले सामाञ्जिक संजालमा लेख्नुभएको छ,‘कालिमाटीका ९८ वटा स्टल खारेजि हुने भएको छ । सरकारसँग सस्तोमा लिएर बिचौलिया भई अरुलाई पाँच गुणाबेसी भाडा दिइनेहरुको खारेजी प्रक्रिया अगाडी बढेको छ । सो ठाउँमा उत्पादनकर्तालाई नै ठाउँ दिने तयारी छ । यसले केही हदसम्मको मुल्य नियन्त्रण भने अवश्य गर्नेछ । तरकारीमा सिन्डिकेट तोड्न आवश्यक गृहकार्य भईरहेको छ ।’
मन्त्री यादवले तरकारीमा रहेको सिन्डिकेट पनि तोड्ने गृहकार्य भईरहेको जानकारी गराउनु भएको छ । किसानसग किनेर ल्याएको मुल्य भन्दा कयौं गुणा बढिमा कालिमाटीमा तरकारी पाइने गरेको छ । जसको अुनगमन गर्न गएको टोलीमाथी थुनेर राख्ने प्रयास गरेपछि सरकार एक्सनमा उत्रिएको हो ।
