गृह जिल्लामा प्रधानमन्त्री ओली, नागरिक अभिनन्दन गरिंदै
प्रधानमन्त्री केपी शर्मा ओली बुधबार गृह जिल्ला झापा पुगेका छन् । प्रधानमन्त्री बनेपछि उनी दोस्रो पटक झापा गएका हुन् ।
उनको बुधबार कमल गाउँपालिका र गौरादहमा नागरिक अभिनन्दन गरिने कार्यक्रम रहेको गौरादह नगरपालिकाका प्रमुख रोहितकुमार साहले बताएका छन् ।
प्रधानमन्त्री ओलीले कमल गाउँपालिका–७ मा ५० शैंयाको आयुर्वेद चिकित्सालय भवनको शिलान्यास गर्ने कार्यक्रम रहेको छ ।
उनले बुधबार गौरादहमा क्षेत्र नं ५ को क्षेत्रीय कार्यकर्ता भेलालाई सम्बोधन गर्ने तथा अगुवा कार्यकर्तासँग भेटघाट गर्ने कार्यक्रम रहेको प्रेस संयोजक चेतन अधिकारीले जानकारी दिएका छन् ।
प्रधानमन्त्री ओली बुधबार नै दिउँसो काठमाडौँ फर्कने कार्यक्रम छ ।
