हृदयेश त्रिपाठीले भने म अब नेकपामा जान्न, अर्कै मधेशी दल बनाउछु
तत्कालिन नेकपा एमालेको चुनाव चिह्न लिएर नवलपसारी १ बाट प्रतिनिधिसभा चुनाव जितेका नेता हृदयेश त्रिपाठीले आफु सत्तारुढ नेपाल कम्यूनिष्ट पार्टीमा प्रवेश गर्ने हल्ला वाइयात हो भनेका छन् ।
उनले म अब नेकपामा जान्न, अर्कै मधेशी दल बनाउछु ।
बिहिबार पार्टी कार्यालय धुम्बाराहीका कार्यक्रम गरि सांसद त्रिपाठी र बृजेश कुमार गुप्ता लगायतका नेतालाई अध्यक्षद्वय केपी शर्मा ओली र पुष्पकमल दाहाल प्रचण्डले पार्टी प्रवेश गराउने खबर सार्वजनिक भएको थियो ।
केही न्यूज पोर्टलले त नेकपा पार्टी कार्यालयको हवाला दिँदै त्रिपाठी र गुप्ता आज बिहान नै पार्टी प्रवेश गरिसेकेको खबर समेत दिएका थिए । तर त्रिपाठीले नेकपा प्रवेशको विषयमा आफैलाई केही थाहै नभएको बताए ।
उनले भने “यो बेकारको कुरा, यो कल्ले कल्ले गर्छ त्यस्तो केही पनि छैन” ।
के त्यसो भए नजाने हो ?
एकछिन रोकिए र यत्ति मात्रै भने “यस्तो जे जे चर्चा भाछ, त्यस्तो केही पनि हैन” ।
प्रवेश गर्ने कार्यक्रम चाहिँ थियो ?
“त्यो त्यो त्यो पनि हैन, संबाद एकदुई चोटी भाको हो, त्यो भन्दा बढी केही होइन”।
कहाँबाट आयो त यो कुरा ? “यो त मलाई तपाईंहरुले नै बताइदिन पर्यो, मलाई त केही पनि थाहा छैन, आफ्नो आफ्नो गोत्रमा सबैले पत्ता लगाउने न हो” ।
पार्टी प्रवेशबारे केही पनि कुरा आको छैन त ?
“छैन छैन छैन केही पनि आको छैन, केही कुरै त भाको छैन कस्को पार्टीमा पस्ने” ?
त्रिपाठीको पार्टी प्रवेशबारे नेकपाको कार्यालयमा सम्पर्क गर्दा पनि आज पार्टी प्रवेश गर्नेबारे कुनै कार्यक्रम नभएको, फेसबुकमा चाहिँ देख्याथें भन्ने जवाफ आयो ।
राजपा नेपालबाट अलग भएर स्वतन्त्र विचार समूह बनाएका हृदेयश त्रिपाठी स्व.जगेन्द्र नारायण सिंहको नेपाल सद्भावना पार्टी हुँदै महन्थ ठाकुर नेतृत्वको तराई मधेश लोकतान्त्रिक पार्टीमा सहअध्यक्ष बनेका थिए ।
राजपा गठनपछि भने जुनियर नेता समेत पार्टी अध्यक्ष बनेको भन्दै बाहिरिएका हुन् ।
