बलात्कारको उजूरी समयमा दर्ता नगर्दा पीडित महिला झनै पिडामा
काभ्रेपलाञ्चोक जिल्लाकी १३ वर्षीय युजिना तामाङ (नाम परिवर्तित) आफू यौन बलात्कृत भएको भन्दै जिल्ला प्रहरी कार्यालय काभ्रेमा उजुरी दर्ता गर्न आइपुगिन् ।
गत बैसाख महिनामा आफ्नो गाउँभन्दा पल्लो गाउँको कान्छा भन्ने बिरबहादुर तामाङले दिदीको घरमा लगी १५ दिनसम्म बन्दी बनाएर आफूमाथि यौन शोषण गरेको बयान उनले दिइन् ।
‘तँलाई बिहे गर्छु भन्दै मलाई लगेको थियो, पछि लगेर ममाथि जबर्जस्ती ग¥यो ।’ पीडितले आफ्नो बेदना व्यक्त गरिन् ।
नेपालको कानूनले भने १५ वर्ष मुनिका बालबालिकालाई उनीहरुको मन्जुरीमा नै शारीरिक सम्बन्ध भएको भए पनि त्यसलाई बलात्कारको रुपमा लिने गरेको छ ।
पटक पटकको शोषणपछि पीडित बालिका भागेर घर फर्किएकी थिइन् । पीडक तामाङले त्यो घटनालाई लिएर प्रहरीकहाँ उजुरी गर्न पुगे ज्यान मार्ने धम्की समेत दिएपछि आफूहरु उजूरी हाल्न नआएको पीडक बालिकाका पिता आशाराम तामाङ ९नाम परिवर्तन० ले बताए ।
काठमाडौँमा बस्दै आएका गाउँकै कान्छाबहादुर तामाङले यो घटनालाई प्रहरीसमक्ष गएर पीडकलाई कारबाही गराउनुपर्ने बताएपछि आफूहरु प्रहरीसमक्ष आइपुगेको जानकारी दिए ।
तामाङ समुदाय र अशिक्षित नै बढी पीडित
जिल्ला प्रहरी कार्यालय काभ्रेको तथ्यांक अनुसार बढी यौन हिंसामा तामाङ समुदाय जसमा पनि अशिक्षित वर्गका महिला नै पर्ने गरेको पाइएको छ ।
जिल्ला प्रहरी कार्यालयको आर्थिक वर्ष २०७४÷०७५ को तथ्यांक अनुसार जबर्जस्ती करणीका उजुरी जम्मा २५ जनाको परेको छ ।
जिल्लामा सबैभन्दा बढी तामाङ समुदायको नै बाहुल्यता रहेको छ । तामाङ समुदायका मानिसमा चेतनाको स्तर कम हुने भएकाले बढी महिलाहरु पीडित हुने गरेको जिल्ला प्रहरी कार्यालय काभ्रेपलाञ्चोकका प्रवक्ता प्रहरी नायव निरीक्षक महेन्द्रप्रसाद मरासीनिले जानकारी दिए ।
‘पीडितले समयमा उजुरी नगर्दा प्रमाण पुग्न गाह्रो हुने भएकाले कहिलेकाहीँ पीडक पक्षमा नै फैसला हुने गरेको छ,’ उनले भने ।
कतिपय उजुरीहरु प्रहरी कार्यालयमा आए पनि पछि गाउँमा नै गएर मिलाउने गरेको उनले बताए । ‘त्यसरी गाउँमै सहमति गर्दा पीडितले न्याय पाउने गरेका छैनन् ।’ उनले भने ।
सहमतिमा भए पनि करणीका मुद्धा
कतिपय मुद्धामा सहमतिका आधारमा सम्बन्ध भए पनि करणी भनी मुद्धा पर्ने गरेको प्रवक्ता मरासीनिले बताए ।
सुरुमा सहमतिमा भएको भए पनि पछि कुरा नमिलेपछि महिलाहरुले करणीको मुद्धा दर्ता गर्ने गरेको उनले जानकारी दिए ।
भदौबाट लागू हुने नयाँ विधयेकमा त्यस्ता महिलालाई पनि कारबाही गरिने उनले बताए ।
