नुवाकोटको बिदुरमा बस दुर्घटना, नौ जना घाइते

 

नुवाकोटको बिदुर नगरपालिका (९ लामाटारमा यात्रु बाहक बस दुर्घटना हुँदा नौ जना घाइते भएका छन् । घाइते मध्ये ४ जनाको अवस्था गम्भीर रहेको नगर प्रहरी कार्यालय कोलनी नुवाकोटले जनाएको छ ।

 

बुधबार बिहान १० बजे ५० जना यात्रु बोकेर त्रिशुली तर्फ आउँदै गरेको पासाङ लामु यातयातको बा।२ ख।२८०४ नं।को यात्रुबहाक बस सडक देखि ४० मिटर तल खसेको हो । उक्त स्थानमा नगर प्रहरी कार्यालय कोलनीबाट ४ जना र जिल्ला प्रहरी कार्यालयबाट १० जनाको टोली उद्धारका लागि खटाइएको थियो । घाइतेहरुको त्रिशुली हस्पिटलमा उपचार भइरहेको छ ।

 

घाइते हुनेहरुमा नुवाकोट देउराली बस्ने वर्ष ६० वर्षीय प्रेम सिङ तामाङ , सोही स्थानका ५९ वर्षीय ज्ञानबहादुर तामाङ, ६१ वर्षीय चोकनी तामाङ, २८ वर्षीय टिकामाया तामाङ, ३ वर्षीय ईसाइन तामाङ, २८ वर्षीय रिजम तामाङ, ५८ वर्षीय होमबहादुर तामाङ, २१ वर्षीया रिता तामाङ र ६० वर्षीय लेसांङ तामाङ रहेका छन् ।