हुम्लामा हेलिकोप्टरको पंखाले लागेर एक जनाको मृत्यु
हुम्लाको हिल्सामा मनाङ एयरको हेलिकोप्टरको पंखाले लागेर एक जना भारतीय नागरिकको मृत्यु भएको छ ।
मृत्यु हुनेमा नगेन्द्रकुमार कार्तिक छन् । हुम्लाका प्रमुख जिल्ला अधिकारी माधवप्रसाद ढुंगानाले कार्तिकको मृत्यु भएको पुष्टि गरे ।
‘अपरान्ह सवा ३ बजे प्यासेन्जर ओराल्दै गर्दा पछाडि पट्टीको पंखाले लागेर मृत्यु भएको हो’, ढुंगानाले भने, हेलिकोप्टर सिमकोटबाट त्यहाँ गएको थियो ।’
हाल जिल्ला प्रहरी कार्यालय, हुम्लाको टोली मुचुल्का लागि घटनास्थलतर्फ गएको बताइएको छ ।
