ललितपुरको ज्वागलस्थित व्यस्त सडकमा भेटियो कुकर बम
अपरिचित समूह ललितपुरको ज्वागलस्थित व्यस्त सडकमा संकास्पद बस्तु छाडेर भागेको छ। मंगलबार केहिबेर अघि बीच सडकमा संकास्पद प्रेसर कुकर राखेर ती समूह युएन पार्कतर्फ भागेको प्रत्यक्षदर्शीले बनाएका छन् ।
सो संकास्पद बस्तु सडकमा राखिएसँगै ज्वागल क्षेत्रको यातायात प्रभावित बन्नुका साथै स्थानीय त्रसित देखिएका छन् ।
यसैबीच एकाएक बम राखेर अपरिचित समूह भागेसँगै घटनास्थल नजिकै गुड्दै गरेको बा८९प ७४६९ नम्बरका स्कुटर चालक दुर्घटनामा परेका छन् ।
उनलाई सामान्य चोट लागेको बताइएको छ ।
नेपाली सेनाको बम डिस्पोजल टोली अहिले घटनास्थलमा पुग्ने क्रममा रहेको बताइएको छ । विप्लव नेतृत्वको नेकपाले गरेको नेपाल बन्दका क्रममा ठाउँठाउँमा बम भेटिएकाले सो संकास्पद बस्तु पनि विप्लव समूहले नै राखेको आशंका गरिएको छ ।
