पाल्पामा जिप दुर्घटनामा परी एकको मृत्यु, चार घाइते
पाल्पाको तानसेन बजारमा जिपको ठक्करबाट एक बालकको मृत्यु भएको छ ।
चार जना घाइते भएका छन् । जिपको ठक्करबाट बगनासकाली गाउँपालिका, ३ नायरनम्तलेसका ११ महिने बालक निसान बस्यालको मृत्यु भएको हो । ज १ च ६७८४ नम्बरको जिपले हुलाक मोडबाट बसपार्क जाने ओरालोमा ठक्कर दिएको हो ।
तानसेन नगरपालिका, २ बडिज्ञानटोलका चार पैदलयात्रु घाइते भएका छन् । जिपको ठम्करबाट बगनासकाली गाउँपालिका, ३ नायरनम्तलेसका ५ वर्षीय निसान बस्याल, २६ वर्षीया लक्ष्मी बस्याल, नवलपरासी सुनवलका ५२ वर्षीय रामजी चौधरी, तानसेन, ६ की ४८ वर्षीया कमला पाण्डे भाइते भएको प्रहरीले जनाएको छ ।
ओरालोमा ब्रेक फेल भएर दुर्घटना भएको हुन सक्ने प्रहरीले जनाएको छ । चालक रैनादेवी छहरा, ४ का कमलबहादुर खत्री प्रहरीको नियन्त्रण रहेका छन् । घाइते सबैको युनाईटेड मिसन अस्पतालमा उपचार भइरहेको छ । जिपको ठक्करबाट छ वटा मोटरसाइकल र स्कुटीमा क्षति पुगेको प्रहरीले जनाएको छ ।
