युवा वडाअध्यक्षको विकास मोह
धनुषा, ढल्केवर । दिनहुँजसो जनताको घरदैलोमा भेटिन्छन् , मिथिला नगरपालिका वडा नम्वर ४ पुष्पवलपुरका वडाअध्यक्ष विष्णुहरी खदाल । ३५ सय मतदाता रहेको यस वडामा वडाअध्यक्ष खदालको सक्रियता बढ्नुको कारण हो जनताको सहज दैनिकी र विकास निर्माण ।
जनताको समस्या जनताकै घरमा गएर बुझ्ने यिनै वडाअध्यक्ष आज विहान उनकै वडाको सिरानमा पर्ने चौकी टोलमा भेटिए । करिव २०० घरधुरीलाई खानेपानी समस्याबाट छुट्कारा दिलाउन चौकी टोलमा बनिरहेको पानी ट्याकीं निरिक्षण गर्न उनि त्याहाँ पुगेका थिए । भन्दै थिए , यो खानेपानी ट्याकींको क्षमता पचास हजार लिटरको हो , यस ट्याकींको पानीले २०० घरधुरी लाभान्वित हुने छन् ।
यो खानेपानीको योजनाको निर्माण कार्य करिव अन्तिम चरणमा पुगेको छ । करिव ५० लाखको लगानीमा निर्माण भईरहेको यो योजना वडाअध्यक्ष खदालको महत्वकाक्षीं योजना हो । उसो त वडाको भित्रि गाउँमा रहेको रतनपुर गाउँमा पनि उनले वोरिगं धसाईरहेका छन् । यस वोरिगंले ७० घरधुरीलाई खानेपानीको सुविधा पुग्छ । पुष्पवलपुरमै उनले करिव ३ सय मिटर नाला पनि वनाएका छन् ।
सानी जेठी टोलमा १ किलो मिटर कच्चि सडक निर्माण गरेका वडाअध्यक्ष खदालले रतनपुर वजरगंवली मन्दिर पनि बनाएका छन् । विद्यालयहरुमा खेलकुद सामाग्री वितरण गरेका उनले विभिन्न शिपमुलक तालिमहरु पनि सञ्चालन गरे भने २४ घर परिवारलाई निशुल्क वाख्रा समेत वितरण गरेका छन् ।
विजयकुमार साह
