भक्तपुर इन्काउण्टरबारे छानबिन हुन्छ : गृहमन्त्री थापा
गृहमन्त्री राबहादुर थापा बादलले सोमबार भक्तपुरमा भएको ‘इन्काउटर’बारे सरकारले छानबिन गर्ने जानकारी दिएका छन् । बिहीबार संसदको राज्य व्यवस्था तथा सुशासन समितिमा गृहमन्त्री थापाले घटनाबारे सरकार आफैंले छानबिनग गर्ने बताएका हुन् ।
घटनाबारे सांसदहरुले गृहमन्त्री समक्ष जानकारी मागेपछि उनले छानबिन गरेर सत्यतथ्य सार्वजनिक गर्ने बताएका हुन् । सोमबार ११ बर्षीय निशान्त खड्काको अपहरणपछि हत्या गरी भाग्ने क्रममा गोपाल तामाङ र अजय तामाङको प्रहरी इनकाउण्टरमा मारिएपछि विभिन्न आशंका व्यक्त भइरहेका बेला गृहमन्त्री थापाले सरकार आफैंले घटनाबारे छानबिन गर्ने प्रतिबद्धता जनाएका हुन् ।
प्रहरीले घरबाटै निशस्त्र रुपमा पक्राउ गरेर तामाङद्धयलाई भक्तपुरको जंगलमा लगेर हत्या गरिएको भन्दै मानवअधिकारकर्मीले विरोध जनाइरहेका छन् । मृतकका परिवारले राज्यले गैरन्यायिक हत्या गरेको भन्दै राष्ट्रिय मानवअधिकार आयोगमा उजुरी दिएका छन् । उजुरीपछि आयोगले घटनाबारे छानबिन गर्ने बताएको छ ।
यस्तै, राज्य व्यवस्था समितिले राज्य कोषबाट विधिन्न खालका सुविधा लिने व्यक्तिहरुको विवरण पेश गर्न गृहमन्त्रालयलाई निर्देशन दिएको छ ।
राजनीतिक पहुँचका आधारमा तथा कुनै समय राज्यको जिम्मेवार पदमा रहेकै कारण वर्षौैदेखि राज्य कोषबाट अनाआवश्यक सुविधा लिइरहेका व्यक्तिहरुको सूची बुझाउन भनेको हो ।
प्रहरी इन्काउन्टरमा मारिएका तामाङ परिवारले दिए मानव अधिकारमा उजुरी
भक्तपुरमा प्रहरी इन्काउन्टरमा मारिएका दुई अपहरणकारी गोपाल तामाङ र अजय तामाङका परिवारलेले गैरन्यायिक हत्या भएको भन्दै राष्ट्रिय मानव अधिकार आयोगमा उजुरी दिएका छन् ।
बुधबार आयोगको कार्यालय पुगेर परिवारका सदस्यले काँडाघारीका बालक निशान खड्काको अपहरण र हत्या प्रकरणमा प्रहरी इन्काउन्टर नभइ हत्या भएको भन्दै आयोगमा उजुरी दिएका हुन् ।
११ वर्षिय बालक निशानको अपहरण पछि उनीहरुले उनकि आमालाई फोन गरेर मोटो रकम मागेका थिए। त्यसपछि बालकको हत्या गरेर गाडिएको अवस्थामा शव फेला परेको थियो। प्ररीले भक्तपुरको डोलेश्वरमा गोली चलाउँदा दुई अपहरणकारीको मृत्यु भएको बताउदै आएको छ ।
उजुरी दिन गोपालका आमाबुबा, बहिनी तथा अजयका बुबा निमा तामाङ मानवअधिकार आयोग पुगेका थिए ।
अपहरणकारी ईन्काउन्टरको छानविन गर्न मानव अधिकारको टोली खटियो फिल्डमा
राष्ट्रिय मानव अधिकार आयोगका सदस्य सुदिप पाठकले मुलुकमा पछिल्लो समय शान्ति, सुरक्षाको अवस्था अत्यन्तै नाजुक रहेको बताएका छन् । उनले भने,‘पछिल्लो समय अपराधका घट्नाहरु जताततै घटिरहेका छन् । जनताले शान्ति, सुरक्षाको अनुभुति गरिरहेका छैनन् ।’
पाठकले भक्तपुरमा हालै घटेको बालक निशान खड्काको हत्या र प्रहरी ईन्काउन्टरमा दुई युवा मारिएको घट्नाबारे आयोगले विशेष अनुशन्धान टोली गठन गरी आजैबाट छानबिन तथा अनुशन्धान टोलीलाई फिल्डमा पठाएको जानकारी दिए ।
उनले भने,‘प्रहरी ईन्काउन्टरमा मारिएका दुई युवाका परिवारले आयोगमा आएर आफ्नो छोराहरुलाई हत्या नै गरेको भनेर उजुरी दिएको छ । उनीहरुको डेलिगेशन नै आएर उजुरी दिएकोले हामीले पनि घट्नाको अनुशन्धान गर्नको लागि टोलीलाई फिल्डमा खटाएका छौं ।’
उनले भने,‘अहिले देशैभरि शान्ति र सुरक्षाको अवस्थाप्रति प्रश्न गर्ने अवस्था छ । अब सरकारले मुलुकको शान्ति, सुरक्षा र सुव्यवस्था कायम गर्न बेलैमा प्रभावकारी कदम चाल्नुपर्छ । विधि र विवेकसम्म्त ढंगले कानूनको प्रयोग गर्नुपर्छ ।’
आपराधिक घट्नाको अनुशन्धानमा खटिने प्रहरी अधिकृतहरुलाई पर्याप्त उपकरणसहित विशेष तालिमको व्यवस्था गर्नुपर्नेमा उनको जोड छ । उनले भने,‘अहिले प्रहरीको अनुशन्धानप्रति जनताको विश्वास घटेको छ । यसलाई प्रहरीले सुधार गर्नुपर्छ । सम्बन्धित निकायलेपनि यसबारे ध्यान पुर्याउनुपर्छ ।’
भक्तपुरमा प्रहरी इन्काउन्टरमा मारिएका दुई अपहरणकारी गोपाल तामाङ र अजय तामाङका परिवारलेले गैरन्यायिक हत्या भएको भन्दै राष्ट्रिय मानव अधिकार आयोगमा उजुरी दिएका थिए ।
बुधबार आयोगको कार्यालय पुगेर परिवारका सदस्यले काँडाघारीका बालक निशान खड्काको अपहरण र हत्या प्रकरणमा प्रहरी इन्काउन्टर नभइ हत्या भएको भन्दै आयोगमा उजुरी दिएका हुन् ।
११ वर्षिय बालक निशानको अपहरण पछि उनीहरुले उनकि आमालाई फोन गरेर मोटो रकम मागेका थिए। त्यसपछि बालकको हत्या गरेर गाडिएको अवस्थामा शव फेला परेको थियो। प्ररीले भक्तपुरको डोलेश्वरमा गोली चलाउँदा दुई अपहरणकारीको मृत्यु भएको बताउदै आएको छ ।
उजुरी दिन गोपालका आमाबुबा, बहिनी तथा अजयका बुबा निमा तामाङ मानवअधिकार आयोग पुगेका थिए ।
