एकल महिलाले गरिन् झुण्डिएर आत्महत्या
धनुषाको मिथिला नगरपालिका वडा नं.७ ढल्केवरमा एकल महिलाले झुण्डिएर आत्महत्या गरेकी छिन् ।
ढल्केवरको पश्चिम चौकमा सिताराम महतोको घरभाडा लिएर होटल व्यवसाय गर्दै आएकी ४२ बर्षीया लक्ष्मी कुमारी लाम्गादे सुत्ने कोठामा पासो लगाएर आत्महत्या गरेको इलाका प्रहरी कार्यालय ढल्केवरका प्रहरी निरिक्षक सरोज राईले बताए ।
उहाँले लाशको प्रकृति हेर्दा मंगलबार राती नै आत्महत्या गरेको हुनसक्ने भएपनि बुधबार बिहान १० बजे लास फेला परेको बताए ।
बिहान १० बजेसम्म पनि ति महिलाले पसल नखोलेको र ढोका भित्रबाट नै बन्द रहेकोले शंका लागि स्थानीय बासीले प्रहरीलाई खबर गरेपछि घटनास्थल पुगेका प्रहरीले ढोका फोडेर हेर्दा लक्ष्मीलाई झुण्डिएको अवस्था देखेका थिए ।
नीज महिलालाई के कति कारणले आत्महत्या गरेको खुल्न नसेको भएपनि श्रीमानबाट छुट्टएर बस्दै आएकी थिइन् ।
मृतक लक्ष्मीको लाशलाई पोष्टमार्टमका लागि जनकपुर अञ्चल अस्पताल पठाइएको प्रनि राईले बताए ।
