अपरहणकारीले प्रहरीमाथि नै गोली चलाएपछि दोहोरो भिडण्त, गोलीका १३ खोका भेटिए
बालकको हत्यापछि भक्तपुरको सूर्यविनायकमा प्रहरीले अपरहणकारीमाथि गरेको कारबाही ईन्काउन्टर नभएको बताईएको छ । महानगरीय प्रहरी परिसर भक्तपुरका एसपी हिमालय श्रेष्ठले यो ईन्काउटर नभएको बताएका छन् ।
उनले भने, ‘प्रहरीमाथि नै गोली चल्यो । प्रहरीले प्रतिरक्षा कारबाही गरेको हो । प्रहरीले मारेको भन्ने होईन । प्रतिरक्षा कारबाहीमा मरेको भन्नु पर्दछ ।’ मुठभेड भएको ठाउँमा गोलीका १३ वटा खोका भेटिएका छन् । अपहरणकारीबाट कति राउण्ड फायरिङ भयो र प्रहरीबाट कति फायरिङ भयो भन्ने जाँच पड्ताल भईरहेको र मुचुल्का उठाउने काम भईरहेको उनले बताए ।
अपहरणकारीलाई प्रहरीले मारेको भनेर खबरहरु आए, उनले भने, ‘यो ईन्काउन्टर नभएकाले मारेको भन्न मिल्दैन ।’ अपहरणकारी अजय तामाङ र गोपाल तामाङ प्रहरी कारबाहीका मारिएका हुन् । ११ वर्षीय निशान खड्काको शव भक्तपुरको ठिमीमा निर्माणधिन घरमा फेला परेको प्रहरीले जनाएको छ । अपहरण गर्नेलाई पक्राउ गर्ने क्रममा दोहोरो फायरिङ भएको थियो । घटनास्थलमा प्रहरीले एक थान पेस्तोल, दुई राउन्ड गोली र फिरौती माग्न प्रयोग भएको सिमकार्ड भेट्टाएको छ ।
दुवै अपहरणकारी चिनजानकै
दुवै अपहरणकारी बालकका चिनजानकै व्यक्ति हुन् । उनीहरु हिजो आइतबार दिउँसो नै बालकको आमाले चलाउँदै आएको सञ्चालन गर्ने खाजा पसलमा बसेका थिए । साँझ मोबाई किन्ने र घुम्ने बहाना बनाएर उनीहरु बच्चालाई लिएर हिँडेका थिए ।
सिन्धुपाल्चोक ज्यामिरे स्थायी घर भई अहिले काडाँघारीमा आमासँग डेरामा बस्दै आएका निशानको अपहरपछि, उनीहरुले ४० लाख रुपैयाँ फिरौती मागे ।
निशानका बुबा गणेश खड्का रोजगारीको सिलसिलामा मलेसियामा छन् । निशान कक्षा ६ मा पढ्दै थिए ।निशानकी आमा चमेलीका अनुसार स्कुलबाट आएपछि निशान गोपालसँगै मोबाइल किन्न गएका थिए । पेन्टिङको काम गर्ने उनी निकै समयदेखि चमेलीको पसलमा खाना तथा खाना खाने गर्थे ।
आइतबार पनि उनले वियर खाएर निस्केको र मोबाइल पसलमा छोडेर हिँडेको चमेलीले बताईन् । निशान अबरसम्म नभेटिएपछि सोधीखोजी सुरु भयो । निशानकी आमाले राति ९ बजेतिर आफूलाई फोन आएको र ४० लाख रुपैयाँ फिरौती मागेको बताईन् । छिमेकीको सहयोगमा उनले प्रहरीलाई खबर गरिन् । प्रहरीले तत्कालै खोजी थाल्यो । तर, निशान भेटिएनन् ।
सोमबार विहान ठिमीमा निर्माणाधिन घरको जगमा उठाइएको वालसँगैको हिलाम्मे खाल्डोमा गाडिएकाे अवस्थामा भेटिएका निशानको मुखमा कपडा कोचिएको थियो भने खुट्टा सेतो टेपले बाँधिएको थियो । अनुसन्धानमा संलग्न प्रहरीले बालकको रातिनै हत्या गरिएको अनुमान गरेपनि यकिन नभएको बताएका छन् ।