उपचारको क्रममा विद्यार्थीको मृत्यु भएपछि आन्दोलन

हाम्रो इकोनोमि

 

भैरहवास्थित युनिभर्सल कलेज अफ मेडिकल साइन्स अस्पतालमा उपचार क्रममा विद्यार्थीको मृत्यु भएपछि आन्दोलन भएको छ । गएराति इमर्जेन्सी कक्षमा भर्ना भएका विद्यार्थी महादेव शाहको मृत्यु भएको हो ।

 

इमर्जेन्सी कक्षमा भर्ना भएका शाहलाई थप उपचार गर्न आइसियूमा सारिएको थियो । सोही अस्पतालको बिडिएस चौथो वर्षमा अध्ययनरत शाहको मृत्युसँगै विद्यार्थीले आन्दोलन गरेका छन् । विद्यार्थीले उपचारमा लापरवाही भएको आरोप लगाउँदै आन्दोलन गरेको हो ।

 

आन्दोलमा विद्यार्थीले अस्पतालको आइसियू कक्षमा तोडफोड गरेका छन् । आन्दोलनलाई रोक्न अस्पतातमा प्रहरी परिचालन गरिएको छ ।