यसकारण जोशीलाई अस्वीकृत गर्नुपर्यो : भट्टराई (भिडियो सहित)
संसदीय समितिका सदस्य योगेश भट्टराईले प्रस्तावित प्रधानन्यायाधीश जोशीको सुनुवाईका क्रममा उनले आफू प्रधानन्याधीश भएपछि गर्ने ठोस ठोस अवधारणा प्रस्तुत गर्न नसकेकाले उनलाई अस्वीकृत गर्नुपरेको बताएका छन् ।
प्रधानन्यायाधीशमा प्रस्तावित दीपकराज जोशीको नाम संसदीय सुनुवाइ समितिले अस्वीकृत गरेको छ ।
समितिको आजको बैठकले जोशीको नाम अस्वीकृत गरेको समितिका सभापति लक्ष्मणलाल कर्णले जानकारी दिए ।
मतदानपछि अस्वीकृत गर्नुपर्नाका कारणहरु खुलाउदै भट्टराइले समितिका सदस्यहरुले सुनुवाईका क्रममा राखेका प्रश्न र जिज्ञासाप्रति सन्तोष जनक जवाफ दिन नसकेको तथा शैक्षिक प्रमाणपत्रहरु समेत सन्देहास्पद देखिएको बताए ।
उनले सार्वजनिक आचारणबारे न्यायाधीशहरुले लिखित उजुरी दिएकाले जोशीलाई प्रधानन्यायाधीश पदका लागि अस्वीकृत गर्नुपरेको बताए ।
