संसदीय सुनुवाई समितिको बैठक बस्यो, दौडधुपले थाके दुबै पक्ष

संवैधानिक परिषदले प्रधानन्यायधीश सिफारिस गरेको दीपकराज जोशीको अनुमोदनबारे निर्णय गर्न संसदीय बिशेष सुनुवाई समितिको बैठक सिंहदरबारमा बसेको छ । यो बैठक निर्णायक भनिएको छ । यसअघि बैठक चार पटक सारिएको थियो ।

जोशीको सुनुवाई भित्रि र बाहिरी दुबै रुपमा निर्णयक मोडमा पुगेको छ । बैठकअघि सत्ताधारी नेकपाका सांसद तथा संसदीय सुनुवाई समितिमा रहेका सदस्यहरुले आन्तरिक छलफल गरे । जसको सहजिकरण संसदीय दलको उपनेता ा सुवास नेम्वाङले गरे । जहाँ पूर्व एमाले प्रमुख सचेतक भानुभक्त ढकाल समेत सामेल भए ।

छलफलपछि उनीहरु प्रधानमन्त्री केपी शर्मा ओलीलाई भेट्न बालुवाटार पुगे । सत्तापक्ष मात्रै नभई प्रतिपक्षले समेत छलफल गरेको छ । उनीहरुले आफ्ना रणनीति तय गरेका छन् । नेपाल बार एशोसियसनका अध्यक्ष शेरबहादुर केसी र महासचिव खम्म बहादुर खाती समेत कांग्रेस शेरबहादुर देउवासँग कुरा गर्न पुगे । वुधबार दुबै पक्षले थाक्ने गरेर निकै दौडधुप गरे ।

प्रधानमन्त्री ओलीले प्रस्ताविकत प्रधानन्यायाधीश जोशीसँग यो बिचमा पटक–पटक कुरा गरेका छन् । संसदीय सुनुवाई समितिमा रहेका सत्तापक्षीय बहुमत सदस्य जोशीलाई अनुमोदन नगर्ने रणनीतिमा छन् । विपक्षीले जोशीकै पक्षमा निर्णय गर्नको लागि दबाब दिएको बताइँदै छ । गएको विहिबार संसदीय सुनुवाई सकिएको भएपनि निर्णय अझै नसुनाईएको भन्दै संसदीय समितिको औचित्यमाथि नै प्रश्न उठेको छ ।