गरिब जनताको जीवनस्तर उकास्न प्रदेश ५ का मुख्यमन्त्री पोखरेलको यस्तो छ योजना
प्रदेश नम्बर ५ का मुख्यमन्त्री शंकर पोखरेलले प्रदेशका जनतालाई करको मार नपर्ने ठुलो मार नपर्ने नीति अख्तियार गरेको बताउनु भएको छ । उहाले आफ्नो प्रदेशका जनता करको मारमा नभएको समेत स्पष्ट पार्नुभयो ।
नेपाल पत्रकार महासंघ जिल्ला शाखा प्युठानको आयोजना आज विहान भएको पत्रकार सम्मेलनमा मुख्यमन्त्री पोख्रेलले प्रदेश सरकारले गरिब जनतालाई करको मारमा नपारेको बताउनु भयो । ‘धेरै कमाउनेले धेरै र थोरै कमाउनेले थोरै कर तिर्ने नीति लिएका छौँ ।’ उहाले अगाडी भन्नुभयो, ‘अति गरिब भई कर तिर्न नसक्नेको लागि प्रदेश सरकारले कर नतिर्ने नीति समेत ल्याएको छ । विपतमा परेका जनताले समेत अब निशुल्क रुपमा सेवा प्राप्त गर्नेछन् । ’
पत्रकार भेटघाट कार्यक्रममा मुख्यमन्त्री पोख्रेलले प्रदेशले कृषि, पर्यटन, उर्जा, सडक, शिक्षा, स्वास्थ्य लगायतका विविध पक्षको सुधार गर्दै समाज सुधारको काममा अघि बढेको बताउनु भयो । कृषिलाई आधुनिकिकरण, बजारीकरण र ग्रामीण पर्यटनको अवधारणा मार्फत ग्रामीण क्षेत्रको समृद्धिको लागि प्रदेश सरकारले मुख्यमन्त्री ग्रामिण विकास कार्यक्रम ल्याएको जानकारी दिनुभयो । सरकारले मध्यपहाडी लोक मार्ग, हुलाकी सडक लगायतका सडक अवधारणाहरु मार्फत सडकको पहुँचमा सबै जिल्लालाई पार्ने गरी काम सुरु गरेको समेत मुख्यमन्त्री पोखरेलले बताउनु भयो ।
