चितवनको चुम्लिङटार त्रिशुलीमा बस खस्दा तीन जनाको मृत्यु,दर्जनौ घाइते
काठमाडौंबाट पोखराका लागि हिडेको बस त्रिशुली नदीमा खसेको छ।
मुग्लीन पुग्नुभन्दा २५ मिटर अगाडि चुम्लिङटार बाट बस त्रिशुलीमा खसेको हो ।
बस खस्दा एक बच्चासहित तीनजनाको मृत्यु भएको छ भने दर्जनौ घाइते भएका छन् अहिले घाइतेको उद्धार कार्य भईरहेको प्रहरीले जानकारी दिएको छ ।
दुर्घटनामा परेको ना ६ ख २५०६ नम्बरको बस नदी किनारमा खसेको जिल्ला प्रहरी कार्यालय, चितवनले जनाएको छ । सडक छेउमा धोएर निकाल्दै गरेको ना ५ ख ७४०९ नम्बरको ट्रकसंग ठक्कर खाँदा बस त्रिशुलीमा खसेको प्रत्यक्षदर्शीले बताएका छन् । घाइते १८ जनालाई उद्धार गरि उपचारका लागि भरतपुर ल्याइएको चितवनका प्रहरी प्रमुख शुशिलसिंह राठौरले जानकारी दिनुभयो । बस सडकबाट एकसय मिटर तल खसेको उहाँले बताउनुभयो ।
