कांग्रेस लाग्यो राजतन्त्र व्युँताउने खेलमा , शेरबहादुरले भने कम्युनिष्ट शासन चल्न दिनु भन्दा राजसंस्था पुनस्थापना गर्न ठिक

 

संघीय निर्वाचन गराउदा नेपाली कांग्रेसका सभापति शेरबहादुर देउवा प्रधानमन्त्रीका रुपमा कार्यभार सम्हालिरहेका थिए । तत्कालिन माओवादी केन्द्रको सथर्मनमा प्रधानमन्त्री बनेका उनि कम्युनिष्ट पार्टीविच एकता गर्ने घोषणापछि अत्तालिए ।

 

सपनामा समेत कल्पना गर्न नसकेको दृश्य विपनामै देखेपछि उनि राजनीतिक रुपमा निक्कै हडबडाए । एकता गर्ने घोषणासगै निर्वाचनमा मिलेर लड्ने बताएपछि देउवा तत्काल शक्तिको आडमा कम्युनिष्टमाथी खनिन शुरु गरेका थिए । उनको शुरुवाती मुद्धा थियो, नेपाली कांग्रेसको अन्तिम प्रधानमन्त्री भनेर मलाई किन भन्यो भनेर रु शुरुमा उनको

 

मुखबाट यो कुरा नआएपनि आफ्नो शक्ति र पावरको दुरुपयोग गर्दै निर्वाचन आयोगमार्फत सो कुरा बाहिर निकाल्दै २४ घण्टे पूर्जी तत्कालिन नेकपा एमालेका अध्यक्ष केपी शर्मा ओलीको हातमा थमाए । श्रृखला यहाबाट मात्र शुरु भएको होइन्, जब चुनावी अभियान शुरु भयो र शिर्ष नेताहरु देश दौडाहमा निस्किए, कांग्रेस एक्लो जस्तो भयो, उ एजेण्डाविहिन भयो र केही भन्ने ठाउ र विकासको एजेण्डा नै नपाएपछि देशमा अब अधिनायकवाद आउछ भन्दै कराउन थाल्यो ।
जनतालाई भ्रमित बनाउने गरी कांग्रेसले अन्य मुद्धालाई छाडेर एकल मुद्धा उठायो ।

 

जुन कुरा उसले पहिला नै थाहा पाईसकेको थियो कि अब देश कम्युनिष्टको पोल्टामा गयो, जनमत उसगै छ अब आफुहरुको सत्ता र रोजीरोटी गुम्यो भन्ने अनुमान लगाईसकेको थियो । जसको पुष्टि हो अधिनायकवादको एकल नारा । चुनाव जितेमा यो गर्छु भनेन् ।

 

हुदा हुदा कांग्रेसले निर्वाचनमा जनतालाई भ्रमित बनाउन ज्योतिषीको साहारा पनि लिन पुग्यो । तत्कालिन प्रधानमन्त्री देउवाले चुनावी अभियान मै घोषणा गरे, ज्योतिषीले मलाई ६ चोटी प्रधानमन्त्री बन्छस् भनेको छ, मलाई के को पिर रु यस्तो गैर जिम्मेवार भाषणा उनले उनकै जिल्लामा पुगेर दिए ।

 

चुनावी परिणाम ज्योतिषीको पक्षमा आएन, जनता कै पक्षमा आयो । अधिनायकवादको श्रृखलाको पहिलो अशं निर्वाचन सकिएसगै समाप्त भयो । त्यसपछि दोस्रो अंशको मञ्चन शुरु भयो । कि कम्युनिष्टलाई सत्तामा आउन नदिन विभिन्न बहानामा रोकि राख्ने ।

 

कहिले संवैधानिक वाहाना देखाउदै त कहिले निर्वाचन प्रणाली देखाउदै दुई तिहाईको लगभग करिव पुगेको जनमतको सरकार निर्माण करिव तीन महिनासम्म बनाउनै दिएन् । त्यसविचमा कांग्रेसले केही जनपक्षिय देखाउने तर ढुकुटी रित्याउने खेलमा लाग्यो ।

 

विभिन्न रोग व्याध लागेको विरामीलाई निशुल्क औषधि उपचार गराउने निर्णय गर्यो, तर नेपाली कांग्रेसको सरकार कहा चुक्यो भने दुर दराजका जनता जो सामान्य सिटामोल र जिवनजलको अभावमा मृत्यु अंगाल्न विवश छन् उनिहरुलाई बिर्सियो । लाखौ जनताका पक्षमा निर्णय नगरी केही विरामीलाई मात्र सहयोग गरे जस्तो गर्यो ।

 

दिन सक्ने भए नेपाली कांग्रेसले नेपालको राजनीतिक इतिहासमा सबैभन्दा लामो समय सत्ता शासनमा वितायो । बुढाबुढीलाई भत्ता दिने हो र उनिहरुलाई त खै कुन्नी के गर्नुपर्छ ९जुन शब्द नेपाली समाजले पचाउन सक्दैन० भनेर सार्वजनिक रुपमै भन्दै हिड्यो । तर, त्यही पार्टीको सरकार अब कहिल्यै सत्तामा फर्कन नसक्ने देखेपछि वृद्धवृद्धाको उमेर पनि ७० बाट ६५ वर्षमै झारिदियो । सस्तो लोकप्रियतालाई अंगिकार गर्दै सत्ताबाट विदा भयो । त्यसपछि नेपाली कांग्रेस अधिनायकवादको तेस्रो अंशमा प्रवेश ग¥यो । यसका लागि उसलाई झण्डै साढे तीन महिना लाग्यो ।

 

प्रमुख प्रतिपक्ष बनेको कांग्रेस सरकारको शुरुवाती तीन महिना बोल्न एउटा पनि इस्यु पाएन । नेपाली राजनीतिमा जवरजस्ती ल्याइएको एउटा नियम छ, सरकारको हनिमुन अवधि । जतिवेला एउटा सरकार नौ देखी ११ महिना टिक्ने गर्दथे, त्यसबेला सरकारको सय दिने परिक्षणकाल भन्ने गरिन्थ्यो ।

 

कांग्रेसले केही इस्यु नपाएपछि उसले हनिमुन मनाउन दिने निर्णयमा पुग्न बाध्य भयो, यद्यपी केही नेताहरुले त्यसअघि नै सय दिन पनि मनाउन नदिने भन्दै हिड्न शुरु गरिसकेका थिए । सय दिनमा इस्यु नभेटेपछि नेपाली कांग्रेस यसविचमै आफ्नै आन्तरिक समस्यामा रुमल्लियो । जहा सभापति देउवा कै पद धरापमा परिसकेको अवस्थामा थियो ।

 

त्यसविचमा डा। गोविन्द केसीको अनसन शुरु भयो, नेपाली कांग्रेसलाई अधिनायकवादको अर्को श्रृखला शुरु गर्न र आन्तरिक समस्यालाई लुकाउन राम्रो इस्यु पायो । जसको सरकार हुदा ६र६ पटक अनसन बसेका केसीलाई नदेख्ने कांग्रेस विपक्षीमा हुदाँ पाच मिनेटमै देख्यो । र भन्न थाल्यो केसीका माग हाम्रा माग हुन्, उनिसग वार्ता गर्नुपर्छ भनेर कराउन थाल्यो ।

 

सरकारले वार्ता गर्न र स्वास्थ्य अवस्था बुझ्न जादा केही सेतो एप्रोन लगाएर र राजधानीबाट पठाइएका नेविसंघका कार्यकर्ताले अस्पतालको मुल गेटमा ताला लगाएर केसीलाई भेट्न दिएनन् । केसी काठमाडौं जान्छु भन्ने उनिहरु जान पाउदैनौं भन्ने खालको अवस्था समेत श्रृजना भयो ।

 

यसविचमा देउवाले प्रधानमन्त्री र नेकपाका अध्यक्ष पुष्पकमल दाहालसग भेटगरी केसीलाई मनाउनुहोस् हाम्रो आन्दोलन रोकिन्छ होइन भने जारी रहन्छ भन्दै आफ्नो एजेण्डा केसीमात्र भएको पुष्टि ग¥यो । राजनीतिमा एजेण्डा भएन भने गतिविधी शुन्य हुन्छ र जनताले झ्न छाड्दै जाने अवस्था बुझेपछि कांग्रेस केसीको पुच्छर समाएर बैतरर्णी तर्ने दाउमा रह्यो ।

 

तर, झट्ट हेर्दा केसीको पुच्छर समाएपनि कांग्रेसको लक्ष्य अर्को छ । उसका गतिविधिले स्पष्ट पारिसकेको छ, केसीले उठाएका मागमा झण्डा लिएर जाने र त्यसलाई कांग्रेसको रुख मुनि ल्याउने र राजनीतिक गर्ने । पहिला पहिला गाँउघरतिर उखान थियो, तेरो घरमा कांग्रेस पसोस्, अहिले केसीलाई यस्तै भएको छ, केसीको घरमा कांग्रेस पसेको छ ।

 

साथै नेपालमा पनि कांग्रेस पसेको आभास हुन थालेको छ । नेपालमा अब राजनीतिक स्थायित्व हुने देखेपछि उसले अहिले हिसात्मक आन्दोलन शुरु गरेको छ, अधिनायकवाद आयो भन्ने आडमा । के कारणले आयो भन्ने पुष्टि गर्न सफल छैन कांग्रेस तर भनिरहेको छ अधिनायकवाद आयो भनेर ।

 

नेपाली कांग्रेस अब अर्को तयारीमा छ । नेपालमा कम्युनिष्ट शासन चल्न दिनु भन्दा राजसंस्था पुनस्थापना गर्नेतिर होमिएको छ । केही दैनिक अखबारमा यसको छनक दिईसकेको छ । सम्बद्ध स्रोतका अनुसार कांग्रेसका केही शिर्ष नेता अहिले पूर्व राजपरिवारका सदस्यसग निरन्तर सम्बादमा जुटिरहेका छन् । उनिहरु देशमा आन्दोलन चर्काएर वर्तमान सरकार अपदस्थ गर्दै राजसस्था चाहे त्यो बेबी किंग वा वल्ड किंगका रुपमा फर्काउने तरखरमा जुटेका हुन् ।