गोविन्द केसीको समर्थनमा निस्किएको जुलुसमाथि अश्रुग्याँस प्रहार, दर्जनौ घाईते
अनशनरत डा. गोविन्द केसीका समर्थकले निकालेको जुलुसमा प्रहरीले अश्रुग्याँस प्रहार गरेको छ । कांग्रेसको भातृ संगठन नेवि संघले नयाँ वानेश्वरको निषेधित क्षेत्र तोड्न खोजेपछि प्रहरीले अश्रुग्याँस प्रहार गरेको हो ।
डा. गोविन्द केसीको समर्थनमा नागरिक समाजका अगुवाले काठमाडौँको माइतीघर मण्डलामा प्रदर्शन गरेका छन् ।
सरकारले माथेमा आयोगको सिफारिस अनुसार तयार गरिएको अध्यादेशलाई तोडमोड गरेर चिकित्सा शिक्षा विधेयक ल्याएको भन्दै डा. केसी अनशनमा छन् ।
जुम्लामा अनशन गर्दै आएका डा. केसीलाई सरकारले बिहीबार काठमाडौँ ल्याएको छ । डा. केसीले अहिले त्रिवि शिषण अस्पतालमा अनशन गरिरहेका छन् । उनको समर्थनमा कलाकार, नागरिक समाजका अगुवा तथा राजनीतिज्ञले माइतीघरमा प्रदर्शन गरेका हुन् ।
शनिबार माइतीघरमा भएको प्रदर्शनमा कलाकार मनिषा कोइराला, करिश्मा मानन्धरसहितका सहभागी भएका छन् ।
यस्तै नागरिक समाजका अगुवाहरु खगेन्द्र संग्रौला, पूर्व प्रधानन्यायाधीश सुशीला कार्की, विवेकशिल साझा पार्टीका रवीन्द्र मिश्र, नयाँ शक्ति पार्टीका डा. बाबुराम भट्टराईसहितका सहभागी छन् ।
यस्तै विभिन्न क्षेत्रबाट सहभागीहरु प्रदर्शनमा आएका छन् । उनीहरुले डा. केसीको समर्थनमा नारा लगाएका छन् ।
