समर्थक कुटिएपछि काठमाडौं आउन तयार भए डा. केसी
जुम्लामा आमरण अनसनरत डा. गोविन्द केसी काठमाडौं आउन सहमत भएका छन् ।
प्रहरीले आफ्ना समर्थकमाथि बलप्रयोग गरेपछि डा. केसी आफैं काठमाडौं आउन तयार भएका हुन् । ‘विद्यार्थीहरु कुटिएको म हेर्न सक्दिँन, जान्छु भन्नु भएको छ’ डा. विषद दहालले भने ।
जुम्लामा डा. केसीका समर्थकमाथि लाठी चार्ज
जुम्लामा प्रहरीले डा. गोविन्द केसीका समर्थकमार्थि लाठी चार्ज गरेको छ । डा. केसीलाई प्रतिस्पथापन विधेयक फिर्ता नभइ जाने नदिने अडानका साथ उनको समर्थनमा रहेका डाक्टर, नर्स र आमनागरिकमाथि प्रहरीले लाठी चार्ज गरेको छ ।
सुरक्षा कारवाहीमा धेरै व्यक्ति घाइते भएका छन् । तर संख्या यकिन हुन नसकेको प्रत्यक्षदर्शीले बताए । यसलाई अस्पतालबाट डा. केसीलाई बल प्रयोग गरी हेलिकप्टरमा राखी अस्पताल ल्याउने तयारीका रुपमा हेरिएको छ । डा. केसी कर्णाली स्वास्थ्य विज्ञान प्रतिष्ठानमा गएको २० दिनदेखि अनशनरत छन् ।
