गोरखामा पहिरोले पुरिदा तीन जनाको मृत्यु, दोलखाको जिलुमा बलेरो दुर्घटना : चालकको मृत्यु
गोरखामा पहिरोले घर पुरिदा एक बालकसहित तीन जनाको मृत्यु भएको छ । शहिद लखन गाउँपालिका–६ घैरुङस्थित अधेँरीमा पहिरोले घर पुर्दा आठ महिने बालकसहित तीन जनाको ज्यान गएको हो ।
आज विहान साढे ६ बजेतिर गएको पहिरोमा पुरिएर आठ महिने युनिक कुँवर, २० वर्षिय सरु कुँवर र १० वर्षिय प्रविना कुँवरको मृत्यु भएको प्रहरीले जानकारी दिएको छ ।
सरु र युनिक आमा छोरा हुन्। ‘बिहान साँढे ६ बजेतिर पहिरोले घरको पछाडिको भाग पुर्यो, बन्चरोले कोठा फोडेर हेर्दा मान्छेको ज्यान गइसकेको रहेछ,’ स्थानीय प्रत्यक्षदर्शीले बताएका छन्। पहिरोका कारण उत्त स्थानमा नेपाली सेना र प्रहरीको टोली पुग्न सकेको छैन।
दोलखाको जिलुमा बलेरो दुर्घटना : चालकको मृत्यु
दोलखाको भिमेश्वोर नगरपालिका द्ध मा बोलेरो दुर्घटना हुँदा १ जन को मृत्यु भएकोे छ। भिमेश्वोर नगरपालिका वार्ड ४ मा बा १६ च २९५८ नम्बर को बोलेरो दुर्घटना हुँदा एक जनाको मृत्यु भएको छ ।
मृत्यु हुनेमा भिमेश्वोर ४ का चालक चेतप्रसाद सापकोटा को उपचारको क्रममा सदरमुकाम चरिकोटस्थित सामुदायिक अस्पताल मा मृत्यु भएको जिल्ला प्रहरी कार्यलय दोलखाका प्रहरी निरीक्षक माधब काफ्लेले जानकारि दिए।
भिमेश्वोर वार्ड नम्बर ४ जिलुबाट सदरमुकाम चरिकोटतर्फ जाँदै गर्दा ब्रेक फेल भै गाडी सडक बाट करिब १०,१५ मिटर तल झरेको प्रहरीले जनायको छ ।
