‘सरकारले मार्न खाेज्याे, म मर्न तयार छु’ : डा गोविन्द केसी

डा गोविन्द केसीले अाफूलार्इ सरकारले मार्न खाेजेकाे अाराेप लगाएका छन्। उनले भने,’सरकारल मार्न खाेज्याे, म मर्न तयार छु।’

३ करोड नेपाली जनताको हितका लागि लड्दै गर्दा मृत्युवरण गर्नुपरे पनि आफू तयार रहेको उनको भनार्इ थियो।

सरकारले कुनै चासाे नदेखाएकाेले डा गोविन्द केसीले अाज स्वास्थ्य परीक्षण गर्न अस्वीकार गरेका छन्।

सरकारले वार्ता गर्न नचाहेको  डा केसीले बताएका उनले भने, ‘डा केसी काठमाडौं आएपछि मात्रै वार्ता हुने बताउनु सरकारको मलार्इ झुक्याउने चाल हो। वार्ता गर्ने चाहेको भए काठमाडौंमै मेरो वार्ता टोली छ।’

सत्याग्रहको १४ दिन र आफूले वार्ताका लागि पहल गरेको ३ दिन बितिसक्दा पनि सरकारले कुनै चासो नदिएकाले सरकारले आफ्नो मृत्यु चाहेको उनले बताए।

बिहीबार दिउँसो दुर्इपटक अर्ध बेहोसीजस्तो अवस्था देखिएको चिकित्कस बताउँछन्। उपचाररत चिकित्सकहरुका अनुसार ब्रेनसम्म जाने रगतमा अक्सिजन र ग्लुकोजको मात्रा दिनानुदिन कम भएका कारण यस्तो भएको हो। उनीहरुका अनुसार केही दिनसम्म अझै यस्तै रगतको सञ्चार भइरहे डा केसी बेहोस हुने र स्वास्थ्यमा गम्भीर असर पर्ने हुनसक्छ।