भक्तपुर राधेराधे डुबानमा, यसरी गरियो उद्धार
अविरल वर्षका कारण डुबानमा परेको भक्तपुरको राधेराधे वस्तीमा नेपाली सेना, शसस्त्र प्रहरी बल, नेपाल प्रहरी लगायतले उद्धार अघि बढाएको छ । बुधबार राती देखि परेको अविरल वर्षका कारण डुबानमा परेका विभिन बस्तीको उद्धार बिहीबार बिहानै देखि सुरु गरिएको हो ।
वर्षाका कारण हनुमुन्ते र खासांखुसी खोलामा बाढी आउँदा राधेराधे, मध्यपुर ठिमी, जगाती, बराही, बागेश्वरी लगायतका स्थान डुबानमा परेका हुन् । डुबानपछि नेपाली सेना लगायतका टोलीले क्रेन, डुङ्गा, डोरी लगायतको प्रयोग गरी सर्वसाधारणको उद्धार सुरु गरेको हो ।
डुबानमा परी बागेश्वरीस्थि एउटा अस्थायी टहरामा बस्दै आएका एकै परिवारका तीन जनाको मृत्यु भएको स्थानीय प्रशासनले जानकारी दिएको छ । त्यस्तै यहाँको जनजीवन अस्तव्यवस्त रहेको समेत स्थानीयले बाएका छन् ।
बुधबार राती देखि परेको वर्षाका कारण यहाँका घर, पसल बन्द आवस्थामा छन्, भने भुकम्प पिडीतका बस्ती समेत डुबानमा परेका छन् । काडमाडौंको कोटेश्वर हुँदै यतातर्फ आउने सवारी साधनहरु डाइभर्ट गरिएका छन् । अरनीको राजमार्ग अवरुद्ध भएको छ ।
