कृष्णप्रसाद अधिकारीका हत्या अाराेपित माओवादी कार्यकर्ता जेल चलान
माओवादी सशस्त्र युद्धका बेला गोरखा फुजेलका कृष्णप्रसाद अधिकिारको हत्यामा संलग्न रहेकाे अाराेप लागेका तत्कालीन नेकपा माओवादीका कार्यकर्ता जेल चलान भएका छन् ।
फुजेल हत्याकाण्डका अभियुक्त छविलाल पौडेल सर्वोच्च अदालतमा उपस्थित भएका छन् । लगत्तै डिल्लीबजार कारागार चलान भएका छन् ।
माओवादी सशस्त्र युद्धका बेला गोरखा फुजेलका कृष्णप्रसाद अधिकिारको हत्यामा संलग्न रहेकाे अाराेप लागेका तत्कालीन नेकपा माओवादीका कार्यकर्ता जेल चलान भएका छन् ।
कृष्णप्रसाद अधिकारीको हत्याको आरोप लागेका उनलाई चितवन जिल्ला अदालतले ४ वैशाख २०७१ धरौटीमा छाडेको थियो । तर, पुनरावेदन अदालतले त्यसलाई सदर गर्यो तर, सर्वोच्चले उक्त आदेशलाई बदर गरेको थियो ।
सर्वोच्चले ६ पुस २०७२ मा पुर्पक्षका लागि थुनामा राखेर कानुन बमोजिम गर्न आदेश दिएको थियो ।
लामो समयसम्म सर्वोच्चको फैसला कार्यान्वयन नभएपछि मृतक कृष्णप्रसादकी आमा गंगामाया अधिकारी १५ जेठदेखि वीर अस्पतालमा आमरण अनशन बसेकी छन् । यसअघि अनशनकै क्रममा उनका श्रीमान नन्दप्रसादको निधन भएको थियो ।
गंगामायाको स्वास्थ्य अवस्था कमजोर भएको भन्दै अधिकारकर्मीहरुले माग पूरा गर्न सरकारलाई दबाब दिँदै आएका थिए । त्यही क्रममा पौडेलले अदालतसामु आत्मसमर्पण गरेका हुन् ।
