बोल्न नसक्ने अवस्थामा पुगे डा. केसी, चिकित्सकले थाले आन्दोलन
पाँच दिन देखि जुम्लामा अन्सनरत डाक्टर गोविन्द केसीको अवस्था जटिल बन्दै गएको छ । केसीको स्वास्थ परिक्षणमा संलग्न चिकित्सकहरुको टोली नै फिर्ता भएपछि उनको स्वास्थ्यमा थप समस्या भएको हो।
स्थानीय प्रशासनले असहयोग गरेकोले चिकित्सकहरुको टोलीले उपचार गर्न नसक्ने भन्दै सोमबार साँझ केसीलाई छाडेको हो । केसीलाई राखिएको कवर्डहलमा उपचार सम्भव छैन । यस विषयमा प्रशासनलाई बारम्बार खवर गरेपनि प्रतिष्ठान लैजाना दिएको छैन ।
उपचारमा संलग्न डा. प्रविण गिरीले भने, ‘कवर्ड हलमा चारै तिर खुल्ला, औस्यान जमिन र प्रदुशित हावाका कारण सलाईन लगाउदा सुईको माध्यामवाट संक्रमित भाइरल घुस्ने सम्भावना भएको र विद्युत नभएकाले आवश्यक परीक्षणका उपकरण जडान गर्न नसकिएकोले परीक्षणको जिम्मा फिर्ता लिएको हौ’ ।
चिकित्सकहरु आन्दोलित
डा. केसीको जीवरक्षाको माग गर्दै बुधवार पनि कर्णाली स्वास्थ्य विज्ञान प्रतिष्ठानका आकस्मिक सेवाबाहेक अन्य सबै सेवा ठप्प छन । प्रतिष्ठानका चिकित्सकहरुले अहिले डा. केसीका माग भन्दा पनि उहाको जीवन सुरक्षाका लागि अन्दोलन गरेको र उहालाई सुरक्षित स्थानमा उपचारको लागि नराखिए सम्म आन्दोलन जारी रहने बताएका छन ।
बोल्न नसक्ने अवस्थामा पुगे डा. केसी
चिकित्सकहरुको टोली फिर्ता भएपछि डा. केसीको रेखदेखका लागि उनिसँगै आएका किशोर केसी छन । उनले डा. केसी बोल्न नसक्ने अवस्थामा रहेको बताए। हातखुट्टा बाउँडिने, शरीर सुनिएको, रिंगाटा लाग्ने, टाउको दुख्ने र छातिको धड्कन वढ्ने जस्ता समस्या देखिएको उनको भनाई छ ।
चिकित्सकहरुको टोली फिर्ता भएपछि स्थानीय प्रशानले जनस्वास्थ्य कार्यालयको एक टोली खटाएको थियो । तर डा. केसीले उपचारको लागि योग्य ठाउँ नभएकोले उक्त टोलीलाई फर्काइदिएको डा. केसीका सहयोगी किशोर केसीले जानकारी दिए ।
